മൂന്നാര്: മുഖ്യമന്ത്രി ക്രഡിറ്റടിക്കാന് ശ്രമിച്ചുവെന്ന് സിപിഐ
Synopsis
തിരുവനന്തപുരം: മുഖ്യമന്ത്രി പിണറായി വിജയനെതിരെ രൂക്ഷ വിമര്ശനവുമായി സി പി ഐ. മൂന്നാര് വിഷയത്തില് മുഖ്യമന്ത്രി സര്വ്വകക്ഷിയോഗം വിളിച്ചത് കൈയ്യേറ്റം ഒഴിപ്പിക്കലിന്റെ ക്രഡിറ്റടിക്കാനാണെന്ന് സി പി ഐ വിമര്ശിച്ചു. സി പി ഐ എക്സിക്യൂട്ടീവ് യോഗത്തിലാണ് മുഖ്യമന്ത്രിക്കെതിരെ വിമര്ശനം ഉയര്ന്നത്. സി പി ഐയിലെ മുതിര്ന്ന നേതാക്കളാണ് മുഖ്യമന്ത്രിക്കെതിരെ അതിരൂക്ഷമായ ഭാഷയില് വിമര്ശനവുമായി രംഗത്തെത്തിയത്. കൈയ്യേറ്റം ഒഴിപ്പിക്കല് നടപടിയുമായി മുന്നോട്ടുപോകാന് റവന്യൂവകുപ്പിന് നിര്ദ്ദേശം നല്കാന് സി പി ഐ സംസ്ഥാന എക്സിക്യൂട്ടീവ് തീരുമാനിച്ചു. പൂര്ണമായി ഒറ്റപ്പെട്ടുനില്ക്കുന്ന കെ എം മാണിയുമായി കൂട്ടുകൂടിയ സി പി ഐ എം കോട്ടയം ജില്ലാ നേതൃത്വത്തിനെതിരെയും വിമര്ശനമുയര്ന്നു. കെ എം മാണിയെ ഒരു കാരണവശാലും മുന്നണിയില് ഉള്പ്പെടുത്തില്ലെന്നും യോഗത്തില് നേതാക്കള് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam