സിപിഎം ഇപ്പോൾ കമ്മ്യൂണിസ്റ്റ് അല്ല,കോൺ​ഗ്രസ് ബി ടീമിനെപ്പോലെ,പശ്ചിമ ബം​ഗാലിലെ ഉപതെരഞ്ഞെടുപ്പ് പ്രചരണ ചിത്രം പങ്കുവച്ച് രാജീവ് ചന്ദ്രശേഖര്‍

കേരളത്തിൽ പരസ്പരം എതിരാളികളെന്ന് നടിക്കുമ്പോഴും, വർ​ഗീയ രാഷ്ട്രീയത്തിനായി ഒരുമിക്കുന്ന പാ‍ർട്ടികളാണ് കോൺ​ഗ്രസും സിപിഎമ്മും

തിരുവനന്തപുരം: പശ്ചിമ ബം​ഗാൾ ഉപതെരഞ്ഞെടുപ്പിലെ പ്രചരണവുമായി ബന്ധപ്പെ  ചിത്രം  സമുഹമാധ്യമത്തില്‍ പങ്ക് വച്ച് കോണ്‍ഗ്രസിനും സിപിഎമ്മിനുമെതിരെ ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ രംഗത്ത്.. കേരളത്തിൽ പരസ്പരം എതിരാളികളെന്ന് നടിക്കുമ്പോഴും, വർ​ഗീയ രാഷ്ട്രീയത്തിനായി ഒരുമിക്കുന്ന പാ‍ർട്ടികളാണ് കോൺ​ഗ്രസും സിപിഎമ്മും. സിപിഎം ഇപ്പോൾ കമ്മ്യൂണിസ്റ്റ് അല്ല. ഒരു കോൺ​ഗ്രസ് ബി ടീമിനെപ്പോലെ, സിപിഎമ്മും കമ്മ്യൂണലിസ്റ്റ് അഥവാ വർ​ഗീയ പാർട്ടിയായി മാറിയത് ദുഖകരമാണ്. 

മറുവശത്ത് കോൺ​ഗ്രസ് ഒരു രാഷ്ട്രീയ പാ‍ർട്ടിയല്ല, വർ​ഗീയതയെയും കമ്മ്യൂണിസത്തെയും നുണകളെയും ആശ്രയിച്ച് നിലകൊള്ളുന്നൊരു തട്ടിപ്പ് പ്രസ്ഥാനമാണ്. എല്ലാ ജനങ്ങളുടെയും അഭിലാഷങ്ങളെ പ്രതിനിധീകരിക്കുകയും എല്ലാവർക്കും വേണ്ടി പ്രവർത്തിക്കുകയും ചെയ്യുന്ന ഒരേയൊരു പാർട്ടി ബിജെപി/എൻഡിഎ മാത്രമാണെന്നും അദ്ദേഹം സമുഹമാധ്യമത്തില്‍ കുറിച്ചു