വിദ്യാര്ഥിയുടെ ആത്മഹത്യ: എസ്.എഫ്.ഐക്കാര് സ്കൂള് അടിച്ചു തകര്ത്തു
Synopsis
പരീക്ഷയില് പരാജയപ്പെടുത്തുമെന്ന അധ്യാപകരുടെ ഭീഷണിയെ തുടര്ന്ന് സ്കൂളിലെ ഒന്പതാം ക്ലാസ്സ് വിദ്യാര്ഥി ബിന്റോ ഈപ്പന് ആത്മഹത്യ ചെയ്ത സംഭവമാണ് എസ്.എഫ്.ഐ പ്രക്ഷോഭത്തിന് കാരണം. എ
കോട്ടയം: സ്കൂള് വിദ്യാര്ത്ഥി ആത്മഹത്യ ചെയ്ത സംഭവത്തില് എസ്.എഫ്.ഐ പ്രവര്ത്തകര് നടത്തിയ പ്രക്ഷോഭം അക്രമാസക്തമായി. കോട്ടയം പാമ്പാടിയിലെ ക്രോസ് റോഡ്സ് സ്കൂളിലേക്ക് എസ്.എഫ്.ഐ പ്രവര്ത്തകര് നടത്തിയ പ്രതിഷേധ മാര്ച്ചാണ് സംഘര്ഷത്തില് കലാശിച്ചത്.
സ്കൂളിന് നേരെ കല്ലെറിഞ്ഞ എസ്.എഫ്.ഐ പ്രവര്ത്തകര് ക്ലാസ്സ് റൂമുകളുടേയും ഓഫീസിന്റേയും ചില്ലുകള് അടിച്ചു തകര്ക്കുകയും ചെയ്തു. മാര്ച്ച് അക്രമാസക്തമായതിനെ തുടര്ന്ന് പോലീസ് ലാത്തിവീശിയും കണ്ണീര്വാതകം പ്രയോഗിച്ചുമാണ് പ്രക്ഷോഭകാരികളെ നിയന്ത്രിച്ചത്.
പരീക്ഷയില് പരാജയപ്പെടുത്തുമെന്ന അധ്യാപകരുടെ ഭീഷണിയെ തുടര്ന്ന് സ്കൂളിലെ ഒന്പതാം ക്ലാസ്സ് വിദ്യാര്ഥി ബിന്റോ ഈപ്പന് ആത്മഹത്യ ചെയ്ത സംഭവമാണ് എസ്.എഫ്.ഐ പ്രക്ഷോഭത്തിന് കാരണം. എന്നാല് വിദ്യാര്ഥിയെ മനപൂര്വ്വം പരാജയപ്പെടുത്താന് ശ്രമിച്ചിട്ടില്ലെന്നാണ് സ്കൂള് മാനേജ്മെന്റിന്റെ വിശദീകരണം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam