
കണ്ണൂര്: കണ്ണൂര് കേളകത്ത് ബധിരയും മൂകയുമായ യുവതിയെ പീഡിപ്പിച്ച കേസിൽ രണ്ട് ഭർതൃസഹോദരന്മാർക്കെതിരെ പൊലീസ് കേസെടുത്തു. ഭയം കാരണം ഏറെക്കാലമായി വിവരം പുറത്തു പറയാൻ യുവതി തയ്യാറായിരുന്നില്ല. എന്നാൽ അതിക്രമം മകൾക്ക് നേരെയും തുടർന്നതോടെ ഇവർ ഭർതൃവീട്ടിൽ നിന്നും സഹോദരന്റെ വീട്ടിലേക്ക് മാറിയിരുന്നു.
മകളെയും പീഡിപ്പിക്കാനുള്ള ശ്രമം നടന്നതോടെ വിവരം ചൈല്ഡ് ലൈനെ അറിയിക്കുകയായിരുന്നു. ചൈൽഡ് ലൈൻ ഇടപെട്ടതോടെയാണ് വിവരം പൊലീസലെത്തിയത്. രണ്ട് പേര്ക്കെതിരെയാണ് നിലവില് കേസെടുത്തിരിക്കുന്നത്. ഭർതൃസഹോദരന്മാരായ രണ്ട് പേരെ പൊലീസ് തിരയുകയാണ്. കൂടുതൽ പേർ സംഭവത്തിൽ ഉൾപ്പെട്ടിട്ടുണ്ടോ എന്നും പൊലീസ് പരിശോധിക്കുന്നുണ്ട്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam