കര്‍ണാടകയില്‍ ക്ഷേത്രത്തിലെ പ്രസാദം കഴിച്ച രണ്ട് സ്ത്രീകള്‍ മരിച്ചു

 കർണാടകയിലെ കോലാറിൽ ക്ഷേത്രത്തിലെ പ്രസാദം കഴിച്ച രണ്ട് സ്ത്രീകൾ മരിച്ചു. ഭക്ഷ്യ വിഷബാധയേറ്റ ആറു പേരെ ആശുപത്രിയിൽ പ്രവേശിപ്പിച്ചു. ഇവരിൽ മൂന്ന് പേരുടെ നില ഗുരുതരമാണ്.

ബെംഗളൂരു: കർണാടകയിലെ കോലാറിൽ ക്ഷേത്രത്തിലെ പ്രസാദം കഴിച്ച രണ്ട് സ്ത്രീകൾ മരിച്ചു. ഭക്ഷ്യ വിഷബാധയേറ്റ ആറു പേരെ ആശുപത്രിയിൽ പ്രവേശിപ്പിച്ചു. ഇവരിൽ മൂന്ന് പേരുടെ നില ഗുരുതരമാണ്. 

ചിന്താമണിയിലെ ഗംഗമ്മ ക്ഷേത്രത്തിൽ വിതരണം ചെയ്ത പ്രസാദം കഴിച്ചവർക്കാണ് വിഷബാധയേറ്റത്. ക്ഷേത്രത്തിൽ ഉണ്ടാക്കിയതല്ല പ്രസാദമെന്നും ഭക്തരിൽ ചിലർ പുറത്തുനിന്ന് കൊണ്ടുവന്നത് വിതരണം ചെയ്തതാണെന്നും പൂജാരി പൊലീസിന് മൊഴി നൽകി.

പ്രസാദം തയ്യാറാക്കിയത് എന്ന് കരുതുന്ന സ്ത്രീയെയും രണ്ട് സഹായികളെയും കസ്റ്റഡിയിലെടുത്തു. ഡിസംബറിൽ ചാമരാജനഗറിലെ മാരമ്മ ക്ഷേത്രത്തിൽ നിന്ന് വിഷം ചേർത്ത പ്രസാദം കഴിച്ച 17 പേർ മരിച്ചിരുന്നു.