സഹപാഠിയെ കൊന്ന് രക്തം കുടിച്ചു; ​​​​വ്യാജ മ​നഃ​ശാ​സ്ത്ര​ ഡോക്ടർ അറസ്റ്റിൽ

വ്യാ​ജ​രേ​ഖ​ക​ൾ കാ​ണി​ച്ചാ​ണ്​ ജോ​ലി നേ​ടി​യ​തെ​ന്ന ആ​രോ​പ​ണ​ത്തെ തു​ട​ർ​ന്നാ​ണ് ബോ​റി​സിനെ​തി​രെ പൊലീസ് കേ​സെ​ടു​ത്ത​ത്. തുടർന്നു നടന്ന ചോദ്യം ചെയ്യലിൽ അരുംകൊലയുടെ ചുരുളഴിയുകയായിരുന്നു.

മോ​സ്​​കോ: റ​ഷ്യ​യി​ൽ സഹപാഠിയെ കൊന്ന് രക്തം കുടിച്ച വ്യാ​ജ ഡോ​ക്​​ട​ർ അ​റ​സ്​​റ്റി​ൽ. ബോ​റി​സ് കൊ​ൺ​ട്രാ​ഷി​ൻ (37) എന്നയാളാണ് പി​ടി​യി​ലാ​യ​ത്. റഷ്യയിലെ തന്നെ ചെ​ല്ല്യാ​ബി​ൻ​സ്കി​ലെ ഉ​റാ​ൽ​സ് ന​ഗ​ര​ത്തി​ൽ വ​ർ​ഷ​ങ്ങ​ളാ​യി മ​നഃ​ശാ​സ്ത്ര​ജ്ഞ​നാ​യി  ജോ​ലി​ചെ​യ്തു വ​രു​ക​യാ​യി​രു​ന്നു ബോ​റി​സെന്ന് പൊലീസ് പറഞ്ഞു. 

വ്യാ​ജ​രേ​ഖ​ക​ൾ കാ​ണി​ച്ചാ​ണ്​ ജോ​ലി നേ​ടി​യ​തെ​ന്ന ആ​രോ​പ​ണ​ത്തെ തു​ട​ർ​ന്നാ​ണ് ബോ​റി​സിനെ​തി​രെ പൊലീസ് കേ​സെ​ടു​ത്ത​ത്. തുടർന്നു നടന്ന ചോദ്യം ചെയ്യലിൽ അരുംകൊലയുടെ ചുരുളഴിയുകയായിരുന്നു. 1998 ൽ ഹൈസ്കൂൾ ​സ​ഹ​പാ​ഠി​യെയാണ് ബോ​റി​സ് കൊലപ്പെടുത്തിയതെന്ന്  റഷ്യ​ൻ മാ​ധ്യ​മ​ങ്ങ​ൾ റിപ്പോർട്ട് ചെയ്യുന്നു. ഇയാൾ സുഹൃത്തിനെ മയക്കുമരുന്ന് കുത്തിവെച്ച് മയക്കി കിടത്തി. ശേഷം കൊലപ്പെടുത്തുകയും ശ​രീ​രം മു​റി​ച്ച്​ ര​ക്തം കു​ടി​ക്കു​ക​യും ചെയ്തുവെന്നാണ് റിപ്പോർട്ട്. ര​ക്ത​ദാ​ഹി​യാ​യ മ​നു​ഷ്യ​ൻ എ​ന്നാ​ണു ബോ​റി​സ് കൊ​ൺ​ട്രാ​ഷി​നെ പ്രാ​ദേ​ശി​ക മാധ്യമങ്ങൾ വി​ശേ​ഷി​പ്പി​ച്ചത്.

ജനുവരിയിലാണ് ഇയാളുടെ തട്ടിപ്പ് പിടിക്കപ്പെടുന്നത്. ആരോഗ്യകാര്യങ്ങളെ കുറിച്ചുള്ള ചർച്ചയിൽ പങ്കെടുക്കുന്ന ബോറിസിന്റെ ചിത്രം, നേരത്തേ ചികിത്സിച്ചിരുന്ന മനഃശാസ്ത്രജ്ഞന്റെ ശ്രദ്ധയിൽപെടുകയായിരുന്നു.  തുടർന്നാണ് ഇയാളുടെ ചരിത്രം ആശുപത്രി അധികൃതർ വിശദമായി പരിശോധിച്ചത്. ഇതിൽ നിന്നും രേഖകൾ വ്യാജമായുണ്ടാക്കിയാണു ഇയാൾ ജോലിയിൽ പ്രവേശിച്ചതെന്നും അധികൃതർ കണ്ടെത്തി. 

അ​ന്വേ​ഷ​ണ​ത്തി​നൊ​ടു​വി​ൽ 2000 ആ​ഗ​സ്​​റ്റ് മുതൽ ന​ര​ഹ​ത്യാ​പ്രേ​ര​ണ​യു​ള്ള മ​നോ​നി​ല തെ​റ്റി​യ വ്യ​ക്തി​യാ​ണ് ഇ​യാ​ളെ​ന്നു സ്ഥി​രീ​ക​രി​ച്ചു. ഇയാളെ ചികിത്സക്കൊപ്പം 10 വ​ർ​ഷ​ത്തെ ത​ട​വു​ശി​ക്ഷ​യ്ക്കാണ് റഷ്യൻ കോടതി വി​ധി​ച്ചിരിക്കുന്നത്.  ബോ​റി​സി​​ന്റെ സ​ഹോ​ദ​രി ഡോ​ക്ട​റാ​ണെന്നും ഹൈ​സ്കൂ​ൾ വി​ദ്യാ​ഭ്യാ​സം മാ​ത്ര​മാണ് മ​ക​നു​ള്ള​തെന്നും അ​മ്മ പറഞ്ഞു.