ഓസീസ് ഇതിഹാസം മടങ്ങുന്നത് ചരിത്രം കുറിച്ച്
Synopsis
ടിം കാഹിലിന് റെക്കോര്ഡ്
മോസ്കോ: റഷ്യന് ലോകകപ്പില് വിജയഗാഥ രചിക്കാതെയാണ് ഓസ്ട്രേലിയ മടങ്ങുന്നത്. ഗ്രൂപ്പ് സിയില് കളിച്ച മൂന്ന് മത്സരങ്ങളില് ഒരു സമനില മാത്രമാണ് ഓസ്ട്രേലിയക്ക് ആശ്വസിക്കാനുള്ളത്. എന്നാല് അവസാന മത്സരത്തില് പെറുവിനോട് തോറ്റപ്പോഴും തലയുയര്ത്തിയാണ് ഓസീസ് ഇതിഹാസത്തിന്റെ മടക്കം. ഓസ്ട്രേലിയക്കായി നാല് ലോകകപ്പുകളില് ബൂട്ടണിഞ്ഞ ആദ്യ താരമാകാന് 38കാരനായ ടിം കാഹിലിനായി.
ഇതിന് മുന്പ് 2006, 2010, 2014, ലോകകപ്പുകളിലാണ് കാഹില് കളിച്ചത്. എന്നാല് ഇക്കുറി മാത്രം കാഹിലിന് വലകുലുക്കാനായില്ല. ലോകകപ്പ് ചരിത്രത്തില് ഓസ്ട്രേലിയയുടെ ആദ്യ ഗോള് നേടിയ താരമാണ് കാഹില്. ലോകകപ്പില് ഓസ്ട്രേലിയക്കാരന്റെ കൂടുതല് ഗോള്(അഞ്ച്) എന്ന നേട്ടവും സ്വന്തം. ഓസ്ട്രേലിയക്കായി 107 മത്സരങ്ങളില് കളിച്ച കാഹില് ദേശീയ കുപ്പായത്തില് 50 ഗോളുകള് നേടി. ഇതും റെക്കോര്ഡ് തന്നെ.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam