20ന് മുമ്പ് വിരലടയാളം നല്കിയില്ലെങ്കില് മൊബൈല് കണക്ഷന് റദ്ദാകും
Synopsis
മൊബൈല് ഫോണ് കണക്ഷന് റദ്ദ് ചെയ്യാതിരിക്കാന് വിരലടയാളം നല്കുന്നതിനുവേണ്ടി നല്കിയ സമയ പരിധി ജൂലായ് 20 നു അവാസാനിക്കുമെന്നാണ് സൗദി ടെലികോം അതോറിറ്റി അറിയിച്ചിരിക്കുന്നത്. ഇതുവരെ വിരലടയാളം നല്കാത്ത മുഴുവന് ആളുകളും അടുത്തുള്ള സര്വീസ് സെന്ററുകളില് ചെന്ന് ഈ സമയപരിധിക്കകം വിവരങ്ങള് നല്കിയിരിക്കണമെന്നും ടെലികോം അതോറിറ്റി അറിയിച്ചു. വിരലടയാളം നല്കാത്തവരുടെ കണക്ഷനുകള് റദ്ദു ചെയ്യും.
പോസ്റ്റ് പെയ്ഡ്, പ്രീ പെയ്ഡ് കണക്ഷനുകള്ക്ക് നിയമം ഒരുപോലെ ബാധകമാണ്. കഴിഞ്ഞ ജനുവരി 21നാണ് മൊബൈല് ഫോൺ കണക്ഷന് ലഭിക്കുന്നതിന് വിരലടയാളം നിര്ബന്ധമാക്കിയത്. നിലവില് മൊബൈല് ഫോൺ കണക്ഷന് എടുത്തവരും തങ്ങളുടെ കണക്ഷന് റദ്ദ് ചെയ്യാതിരിക്കാന് വിരലടയാളം നല്കിയിരിക്കണമെന്ന് ഉത്തരവില് വ്യക്തമാക്കിയിരുന്നു. ഏപ്രില് 17 വരെയായിരുന്നു ഇതിന് സമയപരിധി നല്കിയിരുന്നതെങ്കിലും പിന്നീട് നീട്ടി നല്കുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam