തലസ്ഥാനത്തെ ഹോട്ടലുകളിൽ റെയ്ഡ്; 15 ഹോട്ടലുകൾ പൂട്ടിച്ചു

തിരുവനന്തപുരം: തലസ്ഥാനത്തെ ഹോട്ടലുകളിൽ ഭക്ഷ്യസുരക്ഷാ വിഭാ​ഗത്തിൻെറ മിന്നൽ പരിശോധന. പരിശോധനയിൽ ആവശ്യമായ ലൈസൻസടക്കമുള്ള രേഖകളില്ലാത്തതും വൃത്തിഹീനമായ രീതിയിൽ പ്രവൃത്തിക്കുകയും ചെയ്ത 15-ഓളം ഹോട്ടുലകൾ ഉദ്യോ​ഗസ്ഥർ അടച്ചു പൂട്ടി. 

ഹൗസിം​ഗ് ബോർഡ് കാന്റീൻ, വാൻ റോസിലെ ഭക്ഷണശാല, പാളയത്തെ ദീപാ ഹോട്ടൽ,ചിരാ​ഗിൻ, ജിത്തൂ ജോജി,കസാമിയ, ട്രിവാൻഡ്രം കഫ്റ്റീരിയ... എന്നീ ഹോട്ടലുകളുടെ പ്രവർത്തം ഭക്ഷ്യസുരക്ഷാവിഭാ​ഗം അടിയന്തരമായി അടപ്പിച്ചു.

അരുണ ക്ലാസ്സിക്, പാളയം സംസം,സ്റ്റാച്യുവിലെ അരുൾജ്യോതി,  കുട്ടനാടൻ റെസ്റ്റോറന്റ്, തനിനാടൻഉൗണ് , കേരള യൂണിവേഴ്സിറ്റി ലൈബ്രറി കാന്റീൻ, ​ഗുലാൻ ഫാസ്റ്റ്ഫുഡ്, ടികെ ഇന്റർനാഷണൽ, കുട്ടനാടൻ റെസ്റ്റോറന്റ്, എന്നിവിടങ്ങളിലെ പ്രവർത്തനവും നിർത്തിവപ്പിച്ചിരിക്കുകയാണ്. ഭക്ഷ്യസുരക്ഷാ നിയമങ്ങൾ പാലിക്കാതിരുന്ന പത്ത് ഹോട്ടലുകളിൽ നിന്നായി 3,42,500 രൂപ പിഴയായും ഉദ്യോ​ഗസ്ഥർ ഇൗടാക്കിയിട്ടുണ്ട്.