സംസ്ഥാന സർക്കാരിന്‍റെ പ്രളയദുരിതാശ്വാസ പ്രവർത്തനങ്ങളെ വിമർശിച്ച് മുൻ പോലീസ് മേധാവി ടിപി സെൻകുമാർ. കേന്ദ്രം കോടികൾ നൽകിയിട്ടും, അർഹതപ്പെട്ടവർക്ക് വീടുകൾ വച്ചുകൊടുക്കാൻ പോലും സംസ്ഥാനം തയ്യാറായില്ലെന്ന് ടി പി സെൻകുമാർ കുറ്റപ്പെടുത്തി.
തിരുവനന്തപുരം: സംസ്ഥാന സർക്കാരിന്‍റെ പ്രളയദുരിതാശ്വാസ പ്രവർത്തനങ്ങളെ വിമർശിച്ച് മുൻ പോലീസ് മേധാവി ടിപി സെൻകുമാർ. കേന്ദ്രം കോടികൾ നൽകിയിട്ടും, അർഹതപ്പെട്ടവർക്ക് വീടുകൾ വച്ചുകൊടുക്കാൻ പോലും സംസ്ഥാനം തയ്യാറായില്ലെന്ന് ടി പി സെൻകുമാർ കുറ്റപ്പെടുത്തി.
പ്രളയ ദുരിതാശ്വാസ പ്രവർത്തനങ്ങളിൽ പങ്കെടുത്ത സേവാഭാരതി പ്രവർത്തകരെ ആദരിക്കുന്നചടങ്ങിലായിരുന്നു മുൻ പൊലീസ് മേധാവിയുടെ വിമർശനം. അർഹതപ്പെട്ടവരിലേക്ക് സഹായമെത്തിക്കാൻ ഇപ്പോഴും സംസ്ഥാന സർക്കാരിന് കഴിഞ്ഞില്ലെന്ന് സെൻകുമാറിന്റെ വിമർശനം. കേന്ദ്രം നൽകിയ കോടികളുടെ സഹായം എത്തിക്കുന്നതിൽ മുൻഗണനാ ക്രമം നിശ്ചയിക്കാൻ പോലും സംസ്ഥാനസർക്കാരിന് സാധിച്ചില്ലെന്നും ടിപി സെൻകുമാർ പറഞ്ഞു.
ടിപി സെൻകുമാർ ബിജെപിയിലേക്കെന്ന ചർച്ചകൾക്ക് കൂടുതൽ ശക്തി പകരുന്നതാണ് സേവാഭാരതിയുമായുളള കൈകോർക്കൽ. പ്രളയകാലത്തെ സേവാഭാരതിയുടെ പ്രവർത്തനങ്ങളെ സെൻകുമാർ പ്രകീർത്തിച്ചു.