ഒരു രാഷ്ട്രത്തലവന്റെ മൂന്ന് മാസത്തെ മേക്കപ്പ് ചെലവ് 30000 ഡോളര്
Synopsis
പാരിസ്: ഫ്രഞ്ച് രാഷ്ട്രീയതത്തില് തിളങ്ങുന്ന മുഖമാണ് പ്രസിഡന്റ് ഇമ്മാനുവല് മാര്ക്കോണിന്റേത്. രാഷ്ട്രീയ തിളക്കം പോലെ തന്നെ സൗന്ദര്യത്തിന്റെ കാര്യത്തിലും ഫ്രാന്സിന്റെ പുതിയ പ്രസിഡന്റ് മുന്പന്തിയില് തന്നെയുണ്ട്.
കഴിഞ്ഞ ദിവസം ഒരു ഫ്രഞ്ച് മാഗസിന് പുറത്തുവിട്ട ചില കണക്കുകള് ഏറെ രസകരമാണ്. തിളങ്ങുന്ന മുഖമുള്ള പുതിയ പ്രസിഡന്റ് മേക്കപ്പിന് മാത്രമായി മൂന്ന് മാസത്തിനിടെ ചെലവഴിച്ചത് 30000 യു.എസ്. ഡോളറാണെന്ന് ലി പോയിന്റ് മാഗസിന് പറയുന്നു. അതായത് രണ്ട് കോടിയോളം രൂപ.
ജനങ്ങളുടെ നികുതി പണത്തില് നിന്ന് ഒരു ദിവസം ഫ്രഞ്ച് പ്രസിഡന്റ് ഇമ്മാനുവല് മാര്ക്കോണ് മേക്കപ്പിനായി ഉപയോഗിച്ചത് 330 ഡോളര്. മേക്കപ്പ് മാന്റെ പ്രതിഫലവും ഇതില് പെടും. വാര്ത്താസമ്മേളനങ്ങള്, കോണ്ഫറന്സ്, പൊതുസമ്മേളനങ്ങള് യാത്രകള് തുടങ്ങിയവയ്ക്കെല്ലാമാണ് പ്രസിഡന്റ് മേക്കപ്പണിഞ്ഞത്.
ലി പോയിന്റ് മാഗസിന് പുറത്തുവിട്ട വാര്ത്ത വലിയ ചര്്ച്ചകള്ക്കാണ് ഫ്രാന്സില് തുടക്കമിട്ടിരിക്കുന്നത്. മുന് പ്രസിഡന്റ് ഫ്രാന്കോയിസ് ഹൊളന്ഡെയുടെ മേക്കപ്പ് ചെലവുകളുമായും മറ്റു ചെലവുകളുമായുമുള്ള താരതമ്യമടക്കം പ്രാദേശിക മാധ്യമങ്ങള് സംഭവം ഏറ്റെടുത്തിരിക്കുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam