ദുബായില് ബസ് ഡ്രൈവര്മാരെ നിരീക്ഷിക്കുന്ന പുതിയ സംവിധാനം
Synopsis
ദുബായില് പൊതുജനങ്ങള്ക്കായുള്ള ബസുകളുടെ അപകടം കുറയ്ക്കുന്നതിന്റെ ഭാഗമായാണ് റോഡ്സ് ആന്റ് ട്രാന്സ്പോര്ട്ട് അഥോറിറ്റി പുതിയ സംവിധാനം നടപ്പിലാക്കിയത്. അല് റഖീബ് എന്നാണി ഇതിന് പേര്. ബസ് ഡ്രൈവര് ഉറക്കെം തൂങ്ങുകയോ മൊബൈല് ഫോണ് ഉപയോഗിക്കുകയോ അശ്രദ്ധമായി വണ്ടി ഓടിക്കുകയോ ചെയ്താല് കണ്ട്രോള് സെന്ററില് വിവരം അറിയിക്കുന്ന സംവിധാനമാണിത്.
ഒപ്പം തന്നെ ഡ്രൈവിംഗ് സീറ്റ് വൈബ്രേറ്റ് ചെയ്യുകയും ബീപ് ശബ്ദം പുറപ്പെടുവിക്കുകയും ചെയ്യും. ബസില് സ്ഥാപിച്ചിരിക്കുന്ന ക്യാമറയും സെന്സറുകളും അടക്കമുള്ള സംവിധാനങ്ങള് ഉപയോഗിച്ചാണ് ഇത് സാധ്യമാക്കുന്നത്. ഡ്രൈവറുടെ ചലനങ്ങള് കൃത്യമായി നിരീക്ഷിച്ചാണ് അല് റഖീബ് സംവിധാനം പ്രവര്ത്തിക്കുന്നത്.
ദുബായില് ഇപ്പോള് 50 ബസുകളില് അല് റഖീബ് സംവിധാനം നടപ്പിലാക്കിക്കഴിഞ്ഞു. അധികം വൈകാതെ തന്നെ ട്രാന്സ്പോര്ട്ട് അഥോറിറ്റിക്ക് കീഴിലുള്ള എല്ലാ ബസുകളിലും ഇത് നടപ്പിലാക്കും. ഈ സംവിധാനത്തിലൂടെ ബസുകളുടെ റോഡപകടങ്ങള് പരമാവാധി കുറയ്ക്കാന് കഴിയുമെന്ന പ്രതീക്ഷയിലാണ് അധികൃതര്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam