നടിയെ ആക്രമിച്ച കേസ്: വീഡിയോ ദൃശ്യങ്ങള് തൊണ്ടിമുതലെന്ന് സര്ക്കാര് സുപ്രീംകോടതിയില്
Synopsis
കൊച്ചിയില് നടിയെ ആക്രമിച്ച കേസുമായി ബന്ധപ്പെട്ട മെമ്മറി കാര്ഡ് തൊണ്ടിമുതലെന്ന് സുപ്രീംകോടതിയില് സര്ക്കാര്.
ദില്ലി: കൊച്ചിയില് നടിയെ ആക്രമിച്ച കേസുമായി ബന്ധപ്പെട്ട മെമ്മറി കാര്ഡ് തൊണ്ടിമുതലെന്ന് സര്ക്കാര് സുപ്രീംകോടതിയില്. ഇക്കാര്യം വ്യക്തമാക്കി സര്ക്കാര് കോടതിയില് സത്യവാങ്മൂലം നല്കി. തെളിവുനിയമപ്രകാരമുളള രേഖയായി മെമ്മറി കാര്ഡിനെ കണക്കാക്കാന് കഴിയില്ലെന്നും സര്ക്കാര് കോടതിയില് പറഞ്ഞു. മെമ്മറി കാര്ഡ് ആവശ്യപ്പെട്ട് ദിലീപ് നല്കിയ ഹര്ജിക്കെതിരെയാണ് സത്യവാങ്മൂലം.
നടിയെ ആക്രമിച്ച കേസില് നിരപരാധിത്വം തെളിയിക്കാൻ വീഡിയോയിലെ സംഭാഷണങ്ങള് ഉപകരിക്കും എന്നാണ് ദിലീപിന്റെ വാദം. കോടതിയില് സമര്പ്പിച്ച ദൃശ്യങ്ങളില് എഡിറ്റിങ് നടന്നിട്ടുണ്ടെന്നും ദിലീപ് വാദിക്കുന്നു.
എന്നാല് നടിയെ ആക്രമിച്ച് നീലച്ചിത്രം പകര്ത്താനാണ് പ്രതികള് ഉദ്ദേശിച്ചിരുന്നത് എന്നാണ് പ്രോസിക്യൂഷന്റെ വാദം. ഇത് പുറത്ത് വന്നാല് ഇരയ്ക്ക് ആജീവനാന്തം ഭീഷണിയുണ്ടാകുമെന്നും പ്രോസിക്യൂഷൻ കോടതിയിൽ വ്യക്തമാക്കി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam