സുപ്രീംകോടതിയില് ഹാജരാകാന് ഹാദിയ ഇന്ന് ദില്ലിയിലേക്ക്
Synopsis
കോട്ടയം: സുപ്രീംകോടതിയില് ഹാജരാകാന് കനത്ത സുരക്ഷയോടെ ഹാദിയ ഇന്ന് ദില്ലിയിലേക്ക്. വൈകിട്ട് നെടുമ്പാശ്ശേരി വിമാനത്താവളത്തില് നിന്നാണ് യാത്ര. അച്ഛന്, അമ്മ എന്നിവരും ഹാദിയക്കൊപ്പമുണ്ടാകും. സുപ്രീംകോടതിയില് 27ന് ഹാജരാകണമെന്ന നിര്ദ്ദേശത്തിന്റെ അടിസ്ഥാനത്തിലാണ് ഹാദിയയുടെ യാത്ര. മറ്റന്നാള് ദില്ലിയില് അഭിഭാഷകരുമായി ഇവര് കൂടിക്കാഴ്ച നടത്തും.
ഹാദിയയെ വിമാനത്തില് ദില്ലിയിലെത്തിക്കുമെന്ന് വൈക്കം ഡിവൈഎസ്പി കെ സുഭാഷ് അറിയിച്ചിരുന്നു. ഹാദിയ കേസ് വരുന്ന 27നാണ് സുപ്രീംകോടതി പരിഗണിക്കുന്നത്. 27ന് ഉച്ചക്ക് ശേഷം 3 മണിക്കാണ് ഹാദിയ കോടതിയില് നേരിട്ട് ഹാജരാകുക. ഹൈക്കോടതി നിര്ദ്ദേശ പ്രകാരം മാതാപിതാക്കള്ക്കൊപ്പം പോയതിന് ശേഷം ആദ്യമായാണ് ഹാദിയ പുറത്ത് വരുന്നത്.
ഇതിനിടെ കേസില് ദേശീയ അന്വേഷണ ഏജന്സി സുപ്രീംകോടതിയില് പ്രാഥമിക പരിശോധന റിപ്പോര്ട്ട് സമര്പ്പിച്ചു. സീല്വെച്ച കവറിലാണ് റിപ്പോര്ട്ട് സമര്പ്പിച്ചത്. കേസില് ഗൗരവമായ അന്വേഷണം ആവശ്യമാണെന്നാണ് എന്.ഐ.എയുടെ അഭിപ്രായം. കേസില് എന്.ഐ.എ നടത്തുന്ന അന്വേഷണം കോടതി അലക്ഷ്യമാണെന്ന് ചൂണ്ടിക്കാട്ടി ഷെഫിന് ജഹാന് ഹര്ജി നല്കിയിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam