പശു മാതാവാണ്, കശാപ്പ് ചെയ്യുന്നവർ വധിക്കപ്പെടുമെന്നും ബിജെപി

ജയ്പൂര്‍: പശുവിനെ കടത്തുന്നവരും, കശാപ്പ് ചെയ്യുന്നവരും വധിക്കപ്പെടുമെന്ന് രാജസ്ഥാനിലെ ബിജെപി എംഎൽഎ. രാംഗർ എംഎൽഎ ഗ്യാൻ ദേവ് അഹുജയാണ് ഭീഷണിയുമായി രംഗത്തെത്തിയിരിക്കുന്നത്. പശുവിനെ കടത്തുകയോ, കശാപ്പ് ചെയ്യുകയോ ചെയ്താൽ അങ്ങനെ ചെയ്യുന്നവർ കൊല്ലപ്പെട്ടിരിക്കും. കാരണം പശു മാതാവ് ആണെന്നും അഹുജ പറഞ്ഞു. 

അൽവാർ ജില്ലയിൽ ശനിയാഴ്ച പശുവിനെ കടത്തിയെന്നാരോപിച്ച് ജനക്കൂട്ടം യുവാവിനെ ആക്രമിച്ചിരുന്നു. ഇതുമായി ബന്ധപ്പെട്ട മാധ്യമപ്രവർത്തകരുടെ ചോദ്യത്തിന് മറുപടിയായാണ് എംഎൽഎയുടെ വിവാദ പരാമർശം.