മലപ്പുറത്ത് ക്വാര്ട്ടേഴ്സ് കേന്ദ്രീകരിച്ച് അനാശാസ്യം: ആറ് പേര് പിടിയില്
Synopsis
മലപ്പുറം വളാഞ്ചേരിയില് വാടകക്വാര്ട്ടേഴ്സ് കേന്ദ്രീകരിച്ച് അനാശ്വാസ്യം നടത്തിവന്നിരുന്ന സംഘം പൊലീസിന്റെ പിടിയിലാണ്. മൂന്ന് സ്ത്രീകള് ഉള്പ്പെടെ ആറുപേരാണ് പിടിയിലായത്.
മലപ്പുറം വളാഞ്ചേരി വൈക്കത്തൂരിലെ വാടകക്വാര്ട്ടേഴ്സായിരുന്നു അനാശ്യാസകേന്ദ്രം. നാട്ടുകാര് വിവരമറിയിച്ചതിനെ തുടര്ന്നാണ് പൊലീസ് വാടകക്വാര്ട്ടേഴ്സിലെത്തി. തുടര്ന്ന് പ്രതികളെ കസ്റ്റഡിയിലെടുക്കുകയായിരുന്നു. വാടകക്വാര്ട്ടേഴ്സില് താമസിച്ചുവന്നിരുന്ന സുബ്രഹ്മണ്യന്, ഭാര്യ കമലം ,കുറ്റിപ്പുറം ഐങ്കലം സ്വദേശിനി ഫാതിമ സുഹ്റ, റംല, തിരുന്നാവായ ബീരാന്ചിറ സ്വദേശികളായ മുഹമ്മദ് ഹനീഫ, നിയാസ് എന്നിവരെയാണ് പിടികൂടിയത്. സുബ്രഹ്മണ്യനും ഭാര്യ കമലുവുമാണ് അനാശ്യാസത്തിന് സൗകര്യങ്ങള് ചെയ്തിരുന്നത്. ഇടപാടുകാരെ ഇവര് ഫോണ് മുഖേന ക്വാര്ട്ടേഴ്സില് എത്തിക്കും. പിടിയിലായ കുറ്റിപ്പുറം ഐങ്കലം കടകശ്ശേരി സ്വദേശിയായ ഫാത്തിമ സുഹറ ആവശ്യപ്പെട്ടതനുസരിച്ചാണ് മുഹമ്മദ് ഹനീഫയും നിയാസും ക്വാര്ട്ടേഴ്സില് എത്തിയത്. ആറംഗസംഘത്തില് നിന്ന് അഞ്ച് മൊബൈല് ഫോണുകളും, 20000 രൂപയും കണ്ടെടുത്തു. വളാഞ്ചേരി സി ഐ കെ എം സുലൈമാന്റെ നേതൃത്വത്തിലാണ് കേസന്വേഷണം നടക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam