ചാലക്കുടിയെ കേന്ദ്രം അവഗണിക്കുന്നു, നിരാഹരസമരവുമായി ഇന്നസെന്റ്

ചാലക്കുടിയെ കേന്ദ്ര സർക്കാര്‍ അവഗണിക്കുന്നുവെന്ന് ആരോപിച്ച് ഇന്നസെന്റ് എംപിയുടെ നിരാഹര സമരം. ചാലക്കുടി ലോക്‌സഭാ മണ്ഡലത്തിലെ റെയിൽ പദ്ധതികൾ ഉടൻ പൂർത്തിയാക്കണം എന്നാവശ്യപ്പെട്ടാണ്‌ ഇന്നസെന്റിന്റെ സമരം.

പാലരുവി എക്‌സ്പ്രസിന് അങ്കമാലി, ചാലക്കുടി, സ്റ്റേഷനുകളിൽ സ്റ്റോപ്പ് അനുവദിക്കുന്നതുൾപ്പെടെ മണ്ഡലത്തിലെ റെയിൽ വികസന പദ്ധതികൾ പൂർത്തിയാക്കണം എന്നാണ് ഇന്നസെന്റ് ആവശ്യപ്പെടുന്നത്. കേന്ദ്ര സർക്കാർ കണ്ണുതുറക്കുമെന്നാണ് പ്രതീക്ഷ. ഇല്ലെങ്കിൽ ജനകീയ പങ്കാളിത്തത്തോടെ സമരം ശക്തമാക്കുമെന്നും ഇന്നസെന്റ് പറഞ്ഞു.

രാവിലെ 10 മുതൽ ഉച്ചയ്ക്ക് രണ്ടുവരെ ചാലക്കുടി റെയിൽവേ സ്റ്റേഷനു മുന്നിലാണ് സമരം.