ഐ.ടി പ്രാഫഷണലും ഭാര്യയും കുഞ്ഞിനൊപ്പം മരിച്ച നിലയിൽ

പൂനെ: 35 കാരനായ ഐടി പ്രൊഫഷണലും ഭാര്യയും  തൂങ്ങിമരിച്ച നിലയിൽ. അവരുടെ നാല്​ വയസ്സുകാരനായ മകനെയും മരിച്ച നിലയിൽ കണ്ടെത്തിയിട്ടുണ്ട്​. ദമ്പതികൾ ആത്മഹത്യ ചെയ്തതാകാമെന്ന് പൊലീസ് സംശയിക്കുന്നു. എന്നാൽ  കുട്ടിയുടെ മരണത്തിന് കാരണമറിയാൻ കഴിഞ്ഞിട്ടില്ലെന്നും​ പൊലീസ് പറഞ്ഞു.

പൂനെയിലെ ബാനർ മേഖലയിലാണ്​ സംഭവം. ഗുജറാത്ത്​ സ്വദേശിയായ ജയേഷ്​ പട്ടേൽ (35), ഭാര്യ ഭൂമിക (30), മകൻ നക്ഷ് (4) എന്നിവരാണ് മരിച്ചത്. വീടിന്‍റെ വാതിൽ തുറക്കാത്ത നിലയിൽ കിടന്നതോടെയാണ്​ സംശയം തോന്നിയ പരിസരവാസികൾ  പൊലീസ് കൺട്രോൾ റൂമിൽ വിവരം അറിയിക്കുകയായിരുന്നു. ഭാര്യയും ഭർത്താവും വീടിന്‍റെ സീലിങിൽ തൂങ്ങി മരിച്ചനിലയിലും  കുട്ടിയെ തറയിൽ ജീവനില്ലാത്ത നിലയിലും കണ്ടെത്തുകയായിരുന്നു.

നക്ഷ്​ മരിച്ചതെന്ന്​ എങ്ങനെയെന്നറിയാൻ പൊലീസ്​ പോസ്​റ്റ്​മോർട്ടം റിപ്പോർട്ടിനായി കാത്തിരിക്കുകയാണ്​. കുഞ്ഞിന്‍റെ അസുഖത്തിൽ ജയേഷ്​ അസ്വസ്ഥനായിരുന്നുവെന്ന്​ സുഹൃത്തുക്കളും ബന്ധുക്കളും പറഞ്ഞതായി പൊലീസ്​ പറയുന്നു. പൊലീസ്​ ബന്ധുക്കളുടെ മൊഴിയെടുത്തിട്ടുണ്ട്​.