ജേക്കബ് തോമസിനെ ഐ.എം.ജി ഡയറക്ടറായി നിയമിച്ചു
Synopsis
തിരുവനന്തപുരം: വിജിലന്സ് ഡയറക്ടറായിരിക്കെ സര്ക്കാര് നിര്ദ്ദേശ പ്രകാരം അവധിയില് പ്രവേശിച്ച ജേക്കബ് തോമസിനെ ഇന്സ്റ്റിറ്റ്യൂട്ട് ഓഫ് മാനേജ്മെന്റ് ഇന് ഗവണ്മെന്റ് (ഐ.എം.ജി) ഡയറക്ടറായി നിയമിച്ചു. അവധി അവസാനിപ്പിച്ച് അദ്ദേഹം ഇന്നാണ് ജോലിയില് പ്രവേശിച്ചത്. തനിക്ക് ഏത് പദവിയാണ് നല്കുന്നതെന്ന് വ്യക്തമാക്കണമെന്നാവശ്യപ്പെട്ട് ഇന്നലെ ജേക്കബ് തോമസ് കത്ത് നല്കിയിരുന്നു. ഇന്ന് രാവിലെയാണ് സര്ക്കാര് ഉത്തരവ് പുറത്തിറങ്ങിയത്.
നേരത്തെ സുപ്രീം കോടതി ഉത്തരവിനെ തുടര്ന്ന് ടി.പി സെന്കുമാര് സംസ്ഥാന പൊലീസ് മേധാവിയായി തിരിച്ചെത്തിയതിനെ തുടര്ന്നാണ് സര്ക്കാര് നിര്ദ്ദേശപ്രകരാം ജേക്കബ് തോമസ് അവധിയില് പോയത്. ജേക്കബ് തോമസിന്റെ വിജിലന്സ് ഡയറക്ടര് സ്ഥാനം ലോക്നാഥ് ബെഹ്റക്ക് നല്കിയായിരുന്നു സര്ക്കാര് അന്നത്തെ പ്രതിസന്ധിക്ക് താത്കാലിക പരിഹാരം കണ്ടെത്തിയത്. ആദ്യം ഒരു മാസത്തെ അവധിയിയാണ് ജേക്കബ് തോമസ് പ്രവേശിച്ചിരുന്നതെങ്കിലും പിന്നീട് സര്ക്കാര് നിര്ദ്ദേശപ്രകാരം ഇത് നീട്ടുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam