സബർമതി ജയിലിൽ ജേർണലിസം കോഴ്സ് ആരംഭിക്കുന്നു

തടവുപുള്ളികൾക്കും മാധ്യമപ്രവർത്തന രം​ഗത്ത് തൊഴിൽ സാധ്യത സൃഷ്ടിക്കുകയാണ് ഈ കോഴ്സിലൂടെ ഉദ്ദേശിക്കുന്നതെന്ന് നവജീവൻ ട്രസ്റ്റ് വെളിപ്പെടുത്തുന്നു. ക്ലാസുകള്‍ ഒക്ടോബര്‍ 15ന് ആരംഭിക്കും.

അഹമ്മദാബാദ്: ​ഗാന്ധിജിയുടെ നവജീവൻ ട്രസ്റ്റിന്റെ ആഭിമുഖ്യത്തിൽ ​ഗുജറാത്തിലെ സബർമതി സെൻട്രൽ ജയിലിൽ ജേർണലിസം കോഴ്സ് ആരംഭിക്കുന്നു. ​ഗാന്ധിജിയുടെ 150-ാം വാർഷികത്തോട് അനുബന്ധിച്ച് ഒക്ടോബർ രണ്ടിനായിരുന്നു കോഴ്സിന്റെ ഉദ്ഘാടനം. കോഴ്സ് പൂർത്തിയാക്കുന്നവർക്ക് പ്രമുഖ മാധ്യമസ്ഥാപനങ്ങളിൽ ജോലി ഉറപ്പ് ലഭിച്ചതായും നവജീവൻ ട്രസ്റ്റ് അറിയിച്ചു. 

പ്രൂഫ് റീഡിങ് കോഴ്‌സാണ് ആദ്യപടിയായി ആരംഭിക്കുന്നത്. തടവുപുള്ളികൾക്കും മാധ്യമപ്രവർത്തന രം​ഗത്ത് തൊഴിൽ സാധ്യത സൃഷ്ടിക്കുകയാണ് ഈ കോഴ്സിലൂടെ ഉദ്ദേശിക്കുന്നതെന്ന് നവജീവൻ ട്രസ്റ്റ് വെളിപ്പെടുത്തുന്നു. ക്ലാസുകള്‍ ഒക്ടോബര്‍ 15ന് ആരംഭിക്കും. ഇരുപത് പേർക്കാണ് ആദ്യബാച്ചിൽ പ്രവേശനം നൽകിയിരിക്കുന്നത്. ആഴ്ചയിൽ മൂന്ന് ദിവസം ക്ലാസ്സ് നടത്തും. മാധ്യമരം​ഗത്തെ പ്രധാനികളായിരിക്കും ക്ലാസ്സുകള്ഡ നയിക്കുന്നത്. ​ഗുജറാത്തി ഭാഷയിലാണ് കോഴ്സ് തയ്യാറാക്കിയിരിക്കുന്നത്. പ്രൂഫ് റീഡിം​ഗ് ജോലിയിലേക്കായിരിക്കും കോഴ്സ് വിജയകരമായി പൂർത്തിയാക്കുന്നവരെ പരി​ഗണിക്കുക.