കൂടിയാട്ട വേദിയില് സംഘര്ഷം; മത്സരം റദ്ദാക്കി സംഘാടകര്, പ്രതിഷേധമുയര്ത്തി വിദ്യാര്ഥികള്
Synopsis
ആലപ്പുഴ ടീമിന്റെ പരിശീലകനെ വിധികര്ത്താവാക്കിയതിനെതിരെയാണ് ഹയര് സെക്കന്ഡറി വിഭാഗം പെണ്കുട്ടികളുടെ കൂടിയാട്ടവേദിയില് സംഘര്ഷം ഉണ്ടായത്.
ആലപ്പുഴ: സംസ്ഥാന സ്കൂള് കലോത്സവത്തിലെ കൂടിയാട്ട വേദിയില് സംഘര്ഷം. ആലപ്പുഴ ടീമിന്റെ പരിശീലകനെ വിധികര്ത്താവാക്കിയതിനെതിരെയാണ് ഹയര് സെക്കന്ഡറി വിഭാഗം പെണ്കുട്ടികളുടെ കൂടിയാട്ടവേദിയില് സംഘര്ഷം ഉണ്ടായത്. വിധികര്ത്താവിനെ മാറ്റിയില്ലെങ്കില് തങ്ങള് മത്സരം ബഹിഷ്കരിക്കുമെന്ന് പതിനഞ്ച് ടീമുകള് അറിയിച്ചു. മത്സരം റദ്ദാക്കാൻ അനുവദിക്കില്ലെന്ന് പറഞ്ഞ് മത്സരാർഥികൾ മേക്കപ്പോടെ തന്നെ വേദിയിൽ കുത്തിയിരുന്ന് സമരം നടത്തി. ഉച്ചയ്ക്ക് രണ്ട് മണി മുതല് തുടങ്ങിയ പ്രതിഷേധം അഞ്ചര വരെ നീണ്ടു. പൊലീസെത്തിയാണ് വിദ്യാര്ഥികളെ മാറ്റിയത്.
ആകെ പതിനേഴ് ടീമുകളാണ് മത്സരിക്കാനുണ്ടായിരുന്നത്. വിധികര്ത്താവായി എത്തിയ കലാമണ്ഡലം കനകകുമാറിനെതിരേയാണ് മറ്റ് പതിനഞ്ച് ടീമുകളും പരാതി ഉന്നയിച്ചത്. എന്നാല്, മത്സരം നടക്കട്ടെയെന്നും എന്തെങ്കിലും പ്രശ്നങ്ങളുണ്ടെങ്കില് ഇടപെടാമെന്നുമായിരുന്നു ഡി ഡി യുടെ വിശദീകരണം.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam