സഹകരണ പ്രതിസന്ധി ചര്ച്ച ചെയ്യാന് പ്രത്യേക നിയമസഭാ സമ്മേളനം ചേരും
Synopsis
തിരുവനന്തപുരം: സഹകരണമേഖലയിലെ പ്രതിസന്ധി ചര്ച്ച ചെയ്യാന് നിയമസഭയുടെ പ്രത്യേക സമ്മേളനം 22നു വിളിച്ചു ചേര്ക്കുന്നതിനു ഗവര്ണറോടു ശുപാര്ശ ചെയ്യാന് പ്രത്യേക മന്ത്രിസഭ യോഗം തീരുമാനിച്ചു. രാവിലെ ഒന്പതിനായിരിക്കും സമ്മേളനം ചേരുക. ശൂന്യവേളയോ ചോദ്യേത്തര വേളയോ സമ്മേളനത്തില് ഉണ്ടാവില്ല. വിശദമായ ചര്ച്ചയ്ക്കു ശേഷം സഹകരണമേഖലയിലെ പ്രതിസന്ധി പരിഹരിക്കണമെന്നു കേന്ദ്രസര്ക്കാരിനോട് ആവശ്യപ്പെടുന്ന പ്രമേയം പാസാക്കിയ ശേഷം സഭ പിരിയും.
മുല്ലപ്പെരിയാര് പ്രശ്നം ചര്ച്ചചെയ്യുന്നതിനായി 2011 ഡിസംബര് ഒന്പതിനു നിയമസഭയുടെ പ്രത്യേക സമ്മേളനം വിളിച്ചു ചേര്ത്തിരുന്നു. സഹകരണമേഖലയെ സംബന്ധിച്ചു മുന്മുഖ്യമന്ത്രി ഉമ്മന് ചാണ്ടി ഉള്പ്പെടെയുള്ള നേതാക്കള് മുന്നോട്ട് വച്ച നിര്ദേശങ്ങള് പരിശോധിച്ചു നടപ്പാക്കുന്നതിനു സഹകരണമന്ത്രി എ സി മൊയ്തീനെ മന്ത്രിസഭ ചുമതലപ്പെടുത്തി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam