തിരുവനന്തപുരം: നാളെ രാവിലെ 11.15ന് തിരുവനന്തപുരത്തു നിന്ന് പുറപ്പെടേണ്ട തിരുവനന്തപുരം-ന്യൂഡല്‍ഹി കേരള എക്സ്പ്രസ് റദ്ദാക്കി, വടക്കേ ഇന്ത്യൻ പാതയിൽ ഗുഡ്സ് ട്രെയിൻ പാളം തെറ്റിയതിനെ തുടർന്നാണിത്.
നാളെ രാവിലെ 6.15നുള്ള തിരുവനന്തപുരം സെൻട്രൽ-ഗൊരഖ്പുർ രപ്തിസാഗർ എക്സ്പ്രസ് ഒരു ദിവസം വൈകി, തിങ്കളാഴ്ച രാവിലെ 5.30ന് മാത്രമേ പുറപ്പെടൂ എന്നും റെയിൽവേ അറിയിച്ചു.
കൊച്ചുവേളിയിൽ നിന്ന് നാളെ ഉച്ചയ്ക്ക് 12 മണിക്ക് പുറപ്പെടേണ്ട കൊച്ചുവേളി-ഗുവാഹതി സ്പെഷ്യൽ ട്രെയിൻ മറ്റന്നാൾ 12 മണിക്കേ പുറപ്പെടു. ഗുവാഹതിയിൽ നിന്ന് എത്തേണ്ട ട്രെയിൻ വൈകിയതാണ് കാരണം. സെക്കന്തരാബാദില്‍ നിന്ന് 345 കിലോമീറ്റര്‍ അകലെ ബാലര്‍ഷായില്‍ ഇന്നലെ പുലര്‍ച്ചെ ഒരു മണിയ്ക്കാണ് കല്‍ക്കരി കയറ്റിപ്പോവുകയായിരുന്നു ഗുഡ്സ് ട്രെയിന്‍ പാളം തെറ്റിയത്.