സംസ്ഥാനത്ത് വൃക്ക വില്‍പ്പന റാക്കറ്റുകള്‍ സജീവം

തിരുവനന്തപുരം: സംസ്ഥാനത്ത് പണം കൈമാറിയുള്ള വൃക്ക വില്‍പ്പന റാക്കറ്റ് സജീവം. ഏഷ്യാനെറ്റ് ന്യൂസ് നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങള്‍ പുറത്തുവന്നത്. 8 മുതൽ 10 ലക്ഷം രൂപ വരെ വാങ്ങിയാണ് വൃക്കക്കച്ചവടം . റാക്കറ്റിലെ ഇടനിലക്കാരായി ഡോക്ടർമാരും ആശുപത്രികളും ഉള്‍പ്പെടുന്ന വന്‍ശൃംഖലയാണ് കണ്ണികളായിട്ടുള്ളത് . പണം നൽകിയാൽ ഏത് അവയവവും നൽകാൻ ആളെ എത്തിക്കും . ദാതാക്കളെ എത്തിക്കുന്നത് വ്യാജരേഖകളുമായി .

വൃക്ക റാക്കറ്റിലെ ഇടനിലക്കാരെ കുറിച്ച് അന്വേഷിക്കുമെന്ന് ആരോഗ്യമന്ത്രി കെ കെ ശൈലജ ഏഷ്യാനെറ്റ് ന്യൂസിനോട് പറഞ്ഞു. ഗൗരവമേറിയ പ്രശ്നമാണിതെന്നും കുറ്റം ചെയ്തവർക്കെതിരെ മുഖം നോക്കാതെ നടപടിയെടുക്കുമെന്നും ആരോഗ്യമന്ത്രി  പറഞ്ഞു .