കൊല്ലം പരവൂരിലെ പുറ്റിങ്ങല്‍ ക്ഷേത്രത്തില്‍ കമ്പമത്സരം നടത്തിയതിന് പിന്നില്‍ ഉന്നതതല ഇടപെടല്‍ ഉണ്ടായിരുന്നതായി സിപിഎം നേതാവ് കെഎന്‍ ബാലഗോപാല്‍ ആരോപിച്ചു. കമ്പം നടത്താന്‍ പൊലീസും റവന്യൂ അധികാരികളും അടങ്ങുന്ന സര്‍ക്കാര്‍ സംവിധാനങ്ങള്‍ മൗനാനുവാദം നല്‍കുകയായിരുന്നെന്നും ഇക്കാര്യങ്ങള്‍ അന്വേഷണ പരിധിയില്‍ കൊണ്ടുവരണമെന്നും അദ്ദേഹം ആവശ്യപ്പെട്ടു. സ്ഥലത്തെ കോണ്‍ഗ്രസ്സ് നേതാവിന്റെ ഇടപെടലും അന്വേഷണപരിധിയില്‍ കൊണ്ടുവരണമെന്നും കെഎന്‍ ബാലഗോപാല്‍ ആവശ്യപ്പെട്ടു.