വയനാട്ടില് പൊലീസിനൊപ്പം എത്തിയ കെഎസ്ആര്ടിസി വാഹനങ്ങള് ഹര്ത്താല് അനുകൂലികള് തടഞ്ഞു
Synopsis
വയനാട്ടില് പൊലീസ് അകമ്പടിയില് എത്തിയ കെഎസ്ആര്ടിസി വാഹനങ്ങള് ഹര്ത്താല് അനുകൂലികള് തടഞ്ഞു.
ബത്തേരി: വയനാട്ടില് പൊലീസ് അകമ്പടിയില് എത്തിയ കെഎസ്ആര്ടിസി വാഹനങ്ങള് ഹര്ത്താല് അനുകൂലികള് തടഞ്ഞു. വിവിധയിടങ്ങളില് നിന്ന് എത്തി കെഎസ്ആര്ടിസി ഡിപ്പോയില് കുടുങ്ങിയവരുമായി യാത്ര തിരിച്ച അഞ്ച് കെഎസ്ആര്ടിസി ബസുകളാണ് ബത്തേരിയില് ഹര്ത്താല് അനുകൂലികള് തടഞ്ഞത്.
പൊലീസ് അകമ്പടിയില് ജില്ലയ്ക്ക് പുറത്ത് പോകാന് അനുവദിക്കില്ലെന്നാണ് ഹര്ത്താല് അനുകൂലികളുടെ നിലപാട്. ബത്തേരി ഡിപ്പോയില് നിന്ന് ഏകദേശം ഒന്നര കിലോമീറ്റര് മാത്രം അകലെയുള്ള അസംപ്ഷന് ജംക്ഷനില് വച്ചാണ് കെഎസ്ആര്ടിസി ബസുകള് തടഞ്ഞത്.
ദേശീയപാതയിലടക്കം ഇരുചക്ര വാഹനമടക്കമുള്ള സ്വകാര്യ വാഹനങ്ങള് തടയുകയാണ്. അര്ധരാത്രിയില് പ്രഖ്യാപിച്ച ഹര്ത്താല് ജനങ്ങളെ ഏറെ വലച്ചു. ദീര്ഘദൂരയാത്രക്കാര് പലയിടങ്ങളിലുമായി ഭക്ഷണവും വെള്ളവും പ്രാഥമിക ആവശ്യങ്ങള് നിറവേറ്റാനാവാതെ കുടുങ്ങിക്കിടക്കുകയാണ്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam