തമിഴ്നാട്ടിൽ നിന്നും തിരുവനന്തപുരത്തേക്കുള്ള കെഎസ്ആർടിസി ബസിൽ പരിശോധന; 2 യുവാക്കളെ കഞ്ചാവുമായി പിടികൂടി

ഇരുവരും കെഎസ്ആർടിസി ബസിൽ തമിഴ്നാട്ടിൽ നിന്നും തിരുവനന്തപുരത്തേക്ക് കൊണ്ടുവരികയായിരുന്നു.

തിരുവനന്തപുരം: 10 കിലോ കഞ്ചാവുമായി പാറശ്ശാലയിൽ രണ്ട് പേർ പിടിയിൽ. കരമന സ്വദേശി സനോജ്, പള്ളിച്ചൽ സ്വദേശി വിഷ്ണു എന്നിവരെയാണ് പാറശ്ശാല പൊലീസ് പിടികൂടിയത്. ഇരുവരും കെഎസ്ആർടിസി ബസിൽ തമിഴ്നാട്ടിൽ നിന്നും തിരുവനന്തപുരത്തേക്ക് കൊണ്ടുവരികയായിരുന്നു. പാറശ്ശാല പൊലീസിൻ്റെ നേതൃത്വത്തിലുള്ള വാഹന പരിശോധനയിലാണ് കഞ്ചാവ് പിടികൂടിയത്.