പുലിപ്പേടിയില്‍ ഉറക്കം നഷ്ടപ്പെട്ട് ഒരു ഗ്രാമം

പഠിക്കാനും ജോലിക്കുമൊക്കെ പുറത്തുപോകുന്ന കുടുംബാംഗങ്ങള്‍  തിരികെ വീട്ടിലെത്തുന്നതുവരെ വീട്ടിലുള്ളവര്‍ക്ക്  ആധിയാണ്. കാടിറങ്ങി വരുന്ന വന്യമൃഗങ്ങളാണ് രണ്ടുകൈ നിവാസികളുടെ ആധിക്ക് കാരണം. കഴിഞ്ഞ ദിവസം രാത്രി പുലിയിറങ്ങി തൊട്ടടുത്ത വീട്ടിലെ വളര്‍ത്തുമൃഗങ്ങളെ കടിച്ചുകൊന്നതോടെ ആ പേടി ഇപ്പോള്‍ ഇരട്ടിയായിരിക്കുകയാണ്. കഴിഞ്ഞദിവസം പുലിയെ നേരിട്ട് കണ്ടെന്നാണ് ടാപ്പിങ്ങ് തൊഴിലാളിയായ സുരേന്ദ്രൻ പറയുന്നത്. വന്യമൃഗങ്ങളിൽ നിന്ന് നാട്ടുകാരുടെ ജീവനും സ്വത്തിനും സംരക്ഷണമൊരുക്കണമെന്നാവശ്യപ്പെട്ട് അധികൃതരെ പലകുറി സമീപിച്ചെങ്കിലും ഫലമുണ്ടായില്ലെന്ന്  ഇവര്‍  പരാതിപ്പെടുന്നു.