എം റഷീദ് അന്തരിച്ചു
Synopsis
സ്വാതന്ത്ര്യ സമര സേനാനി മൊയ്തു മൗലവിയുടെ മകനാണ് എം റഷീദ്. പ്രമുഖ ട്രോട്സ്കിയിസ്റ്റും ആര്.എസ്.പിയുടെ സ്ഥാപക നേതാവും കൂടിയായ എം റഷീദ് കേരളത്തിന്റെ സാമൂഹ്യ സാംസ്കാരിക രംഗങ്ങളില് നിറഞ്ഞു നിന്ന ഒരു വ്യക്തിത്വം കൂടിയാണ്. പരേതയായ ബീപാത്തുവാണ് ഭാര്യ. മക്കള് ജാസ്മിന്, മുംതാസ്, അബ്ദുല് ഗഫൂര്, ബേബി റഷീദ്.
വിദ്യാര്ത്ഥിയായിരിക്കുമ്പോള് ക്വിറ്റ് ഇന്ത്യാസമരത്തില് പങ്കെടുത്തതിനു അറസ്റ്റ് ചെയ്യപ്പട്ട റഷീദ്, മൂന്ന് മാസക്കാലം പൊന്നാനി സബ്ജയിലില് തടവിലാക്കപ്പെട്ടു. സമരത്തില് പങ്കെടുത്തവര്ക്ക് പഠനം മുന്നോട്ട് കൊണ്ടുപോകണമെങ്കില് മാപ്പെഴുതി കൊടുക്കണമെന്നതിനാല് പത്താതരം പഠനം മുടങ്ങി.
ജയകേരളം, കൗമുദി എന്നീ വാരികകളിലും മാതൃഭൂമി പത്രം എന്നിവയിലും റഷീദ് സ്ഥിരമായി എഴുതുമായിരുന്നു. 195457 കാലയളവില് കൊല്ലത്തു നിന്നു പ്രസിദ്ധീകരിച്ചിരുന്ന 'സഖാവ്' വാരികയുടെ പത്രാധിപരായി. 195760 കാലഘട്ടത്തില് എറണാകുളത്തുനിന്ന് പ്രസിദ്ധീകരിച്ചിരുന്ന ജയ്ഹിന്ദ് സായാഹ്നപത്രത്തിന്റെ പത്രാധിപരായി. എട്ടുവര്ഷക്കാലം ചാലക്കുടിയില് നിന്നുള്ള 'ചെങ്കതിര്' മാസികയുടെ പ്രസാധകനായി ജോലിചെയ്തു. വര്ഷങ്ങളായി മാധ്യമം ദിനപ്പത്രത്തില് വായനക്കിടയില് എന്ന പേരില് ഒരു പംക്തി എഴുതിവരുന്നു.
സഖാവ് കെ.ദാമോദരന്, മുഹമ്മദ് അബ്ദുറഹ്മാന്, റോസ ലക്സ്ംബര്ഗ് 1921കാര്ഷിക കലാപം, ഗോവ സമരം എന്നീ ഗ്രന്ഥങ്ങളുടെ കര്ത്താവാണ്.
മകന്റെ വിവാഹത്തിന് ഒറ്റയാളെയും ക്ഷണിക്കുന്നില്ലെന്ന് വ്യക്തമാക്കി പതിറ്റാണ്ടുകള്ക്ക് മുമ്പ് അദ്ദേഹം തയ്യാറാക്കിയ ക്ഷണക്കത്ത് ഈയിടെ വാര്ത്തയായിരുന്നു.
ഇതാണ് ആ വാര്ത്ത
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam