തമിഴ്നാട് മുഖ്യമന്ത്രി അഴിമതിക്കുരുക്കില്‍; സിബിഐ അന്വേഷണം വേണമെന്ന് ഹൈക്കോടതി

ഡി​എം​കെ ന​ൽ​കി​യ ഹ​ർ​ജി​യി​ലാണ് കോടതി നടപടി. ജ​സ്റ്റീ​സ് എ.​ഡി ജ​ഗ​ദീ​ഷ് ച​ന്ദ്ര​യാ​ണ് സിബിഐ അ​ന്വേ​ഷണത്തിന് അനുമതി നല്‍കിയത്. വി​ജി​ല​ൻ​സ് കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ട് പരിശോധിച്ച ശേഷം കോടതി സൂഷ്മ പരിശോധന വേണമെന്ന് വ്യക്തമാക്കുകയായിരുന്നു

ചെന്നൈ: ത​മി​ഴ്നാ​ട് മു​ഖ്യ​മ​ന്ത്രി ഇ ​പ​ള​നി​സ്വാ​മി അ​ഴി​മ​തിക്കുരിക്കില്‍. തമിഴ്നാട്ടിലെ റോ​ഡ് നി​ർ​മാ​ണ​ത്തി​നു ന​ൽ​കി​യ ക​രാ​റി​ൽ മുഖ്യമന്ത്രി അ​ഴി​മ​തി ന​ട​ത്തിയെന്ന ആരോപണം ശക്തമായി. അതിനിടെ അരോപണത്തില്‍ സൂഷ്മ പരിശോധന വേണമെന്ന് വ്യക്തമാക്കിയ മദ്രാസ് ഹൈക്കോടതി സിബിഐ അന്വേഷണത്തിന് ഉത്തരവിട്ടു.

ഡി​എം​കെ ന​ൽ​കി​യ ഹ​ർ​ജി​യി​ലാണ് കോടതി നടപടി. ജ​സ്റ്റീ​സ് എ.​ഡി ജ​ഗ​ദീ​ഷ് ച​ന്ദ്ര​യാ​ണ് സിബിഐ അ​ന്വേ​ഷണത്തിന് അനുമതി നല്‍കിയത്. വി​ജി​ല​ൻ​സ് കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ട് പരിശോധിച്ച ശേഷം കോടതി സൂഷ്മ പരിശോധന വേണമെന്ന് വ്യക്തമാക്കുകയായിരുന്നു.

വിജിലന്‍സ് റിപ്പോര്‍ട്ടിനെ വിമര്‍ശിച്ച ശേഷമാണ് കേന്ദ്ര ഏജന്‍സി ആരോപണം അന്വേഷിക്കട്ടെയെന്ന് കോടതി ഉത്തവിട്ടത്. ഒ​രാ​ഴ്ച​യ്ക്കു​ള്ളി​ൽ കേ​സു​മാ​യി ബ​ന്ധ​പ്പെ​ട്ട എ​ല്ലാ രേ​ഖ​ക​ളും സി​ബി​ഐ​ക്ക് കൈ​മാ​റ​ണ​മെ​ന്ന് കോ​ട​തി നിര്‍ദ്ദേശിച്ചു.

പ​ള​നി​സ്വാ​മി ത​ന്‍റെ ബ​ന്ധു​ക്ക​ൾ​ക്കും ബി​നാ​മി​ക​ൾ​ക്കും റോ​ഡ് നി​ർ​മാ​ണ​ത്തി​നുള്ള കരാര്‍ അനധികൃതമായി അനുവദിച്ചെന്നാണ് ആരോപണം. 3,500 കോ​ടി രൂ​പ​യു​ടെ ക​രാറുമായി ബന്ധപ്പെട്ടാണ് ആരോപണം ഉയര്‍ന്നത്. സിബിഐ സൂഷ്മ പരിശോധന മൂ​ന്നു മാ​സ​ത്തി​നകം പൂര്‍ത്തിയാക്കണമെന്ന് വ്യക്തമാക്കിയ കോടതി തെളിവുണ്ടെങ്കില്‍ തുടരന്വേഷണം നടത്തണമെന്നും അറിയിച്ചിട്ടുണ്ട്.