കേന്ദ്രസര്ക്കാരിന് നേതാജി ദേശീയ നേതാവുപോലുമല്ല; വിമര്ശനവുമായി മമതാ ബാനര്ജി
Synopsis
നേതാജി സുഭാഷ് ചന്ദ്രബോസിന്റെ ജന്മദിനം ദേശീയ അവധിയായി പ്രഖ്യാപിക്കാത്തതിനെതിരെ വെസ്റ്റ് ബംഗാള് മുഖ്യമന്ത്രിയും തൃണമൂല് കോണ്ഗ്രസ് നേതാവുമായ മമതാ ബാനര്ജി.
കൊല്ക്കത്ത: നേതാജി സുഭാഷ് ചന്ദ്രബോസിന്റെ ജന്മദിനം ദേശീയ അവധിയായി പ്രഖ്യാപിക്കാത്തതിനെതിരെ വെസ്റ്റ് ബംഗാള് മുഖ്യമന്ത്രിയും തൃണമൂല് കോണ്ഗ്രസ് നേതാവുമായ മമതാ ബാനര്ജി. ഇന്ന് ദില്ലിയിലെ റെഡ് ഫോർട്ടിൽ പ്രധാനമന്ത്രി നരേന്ദ്ര മോദി സുഭാഷ് ചന്ദ്രബോസിന്റെ 122-ാം ജന്മദിനത്തിൽ അദ്ദേഹത്തിന്റെ പേരിലുള്ള മ്യൂസിയം രാജ്യത്തിന് സമർപ്പിച്ചിരുന്നു. ഇതിന് പിന്നാലെയാണ് മമതാ ബാനര്ജിയുടെ പ്രതികരണം.
കേന്ദ്രസര്ക്കാര് നേതാജിയെ ദേശീയ നേതാവായി പോലും കാണുന്നില്ലെന്നാണ് മമതാ ബാനര്ജിയുടെ ആരോപണം. സ്വാതന്ത്രത്തിനായുള്ള പോരാട്ടത്തില് എല്ലാ വിഭാഗങ്ങളില് നിന്നുമുള്ള ആള്ക്കാരെ ഒന്നിപ്പിച്ച യഥാര്ത്ഥ നേതാവാണ് നേതാജി. മഹാത്മാ ഗാന്ധിയും അബ്ദുള് കലാം ആസാദും ബാബാസാഹേബ് അംബ്ദേക്കറും ഇതേ കാരണത്താലാണ് വലിയ ദേശീയ നേതാക്കളായതെന്നും മമതാ പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam