ഭാര്യയെ കിണറ്റിലെറിഞ്ഞ് കൊന്നു; ഭര്ത്താവ് അറസ്റ്റില്
Synopsis
കൊല്ലം: ഭാര്യയെ മര്ദ്ദിച്ച് അവശയാക്കിയ ശേഷം കിണിലിട്ട് കൊലപ്പെടുത്തിയ കേസില് ഭര്ത്താവ് അറസ്റ്റില്.കൊല്ലം പാരിപ്പള്ളി സ്വദേശി വിജയകുമാര് ആണ് പിടിയിലായത്. പാരിപ്പള്ളി പുലിക്കുഴി സ്വദേശി സുഗന്ധിയെ ഇക്കഴിഞ്ഞ സെപ്റ്റംബര് 11 നാണ് വീട്ടിലെ കിണറിനുള്ളില് മരിച്ച നിലയില് കണ്ടെത്തിയത്. ഭര്ത്താവ് വിജയകുമാറാണ് പൊലീസിനെയും നാട്ടുകാരെയും അറിയിച്ചത്.
സാമ്പത്തിക പ്രയാസം മൂലം ആത്മഹത്യ ചെയ്തതാണെന്ന നിഗമനത്തില് പൊലീസ് കേസെടുത്തു. എന്നാല് സംഭവത്തില് അസ്വാഭാവികത ആരോപിച്ച് നാട്ടുകാര് കളക്ടര്ക്ക് നല്കിയ പരാതിയെത്തുടര്ന്ന് കേസില് പുനരന്വേഷണം നടത്തിയത്. ഇവരുടെ എട്ടുവയസുകാരിയായ മകളുടെ മൊഴിയും കേസില് നിര്ണ്ണായകമായി.
സ്ഥിരമായി മദ്യപിച്ചെത്തുന്ന വിജയകുമാര് സുഗന്ധിയെ മര്ദ്ദിക്കുക പതിവാണ്.സംഭവ ദിവസം ഇയാള് മര്ദ്ദിച്ച ശേഷം ഭാര്യയെ കിണറ്റിലെറിഞ്ഞു. വിവരം പുറത്ത് പറഞ്ഞാല് കൊല്ലുമെന്ന് മകളെയും ഭീഷണിപ്പെടുത്തി. നേരത്തെ നിരവധി അടിപിടി കേസുകളില് കൊല്ലത്തെ വിവിധ സ്റ്റേഷനുകളില് വിജയകുമാറിനെതിരെ കേസുകളുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam