ബീഫിനെ ചൊല്ലി തര്‍ക്കം; ട്രെയിനില്‍ യാത്രക്കാരനെ കുത്തിക്കൊന്നു

ന്യൂഡൽഹി: ബീഫിനെ ചൊല്ലിയുള്ള തര്‍ക്കത്തിനിടെ​ ട്രെയിൻ യാത്രക്കാരനെ സഹയാത്രികർ കുത്തിക്കൊന്നു. ഹരിയാനയിലാണ് സംഭവം. ബല്ലഭ്​ഗട്ട്​ സ്വദേശിയായ ജുനൈദാണ്​ മരിച്ചത്​. സഹോദരൻമാരായ ഹാഷിമിനും ഷക്കീറിനും സംഭവത്തിൽ പരിക്കേറ്റു. ഡൽഹിയിൽ നിന്ന്​ ഹരിയാനയിലെ ബല്ലഭ്​ഗട്ടിലേക്കുള്ള ​യാത്രക്കിടെ ഓഖ്​ലയിൽ വെച്ചായിരുന്നു ​ സംഭവം.

ഈദിനോടനുബന്ധിച്ച്​​ ഡൽഹിയിൽ നിന്ന്​  സാധനങ്ങള്‍ വാങ്ങി ഗാസിയാബാദ്- ഡൽഹി- മഥുര ​ട്രെയിനില്‍ മടങ്ങുകയായിരുന്നു മൂന്നു സഹോദരങ്ങളും. ഇവർ കയറിയത്​. ഓഖ്​​ല സ്​റ്റേഷനിൽ ​വെച്ച്​ പുതുതായി കയറിയ യാത്രക്കാരും ഇവരും തമ്മിൽ ബീഫിനെ ചൊല്ലി തര്‍ക്കമുണ്ടായെന്നാണ് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇവരുടെ കൈയ്യില്‍ ബീഫുണ്ടെന്നും മറ്റുമുള്ള ആരോപണങ്ങളാണ് കൊലപാതകത്തില്‍ കലാശിച്ചതെന്നാണ് റിപ്പോര്‍ട്ടുകള്‍. സീറ്റിനെ ചൊല്ലി​ തർക്കമുണ്ടായി. തുടർന്ന്​ ചിലർ കത്തി​യെടുത്ത്​ കുത്തുകയായിരുന്നുവെന്ന്​​ പൊലീസ്​ പറയുന്നു​. എന്നാൽ സർക്കാറും റെയിൽ​വേയും ഇത് നിഷേധിച്ചു.  ബീഫ്​ സംബന്ധിച്ച തർക്കമല്ല സീറ്റ്​ തർക്കമാണ്​ കൊലപാതകത്തിനിടയാക്കിയതെന്നാണ്​ ​റെയിൽവേയുടെ ഭാഷ്യം..

പരിക്കേറ്റ മൂന്നു പേരെയും ആശുപത്രിയി​ല്‍ പ്രവേശിപ്പെച്ചെങ്കിലും ഒരാൾ മരിച്ചു​.  കൊല്ലപ്പെട്ട ജു​നൈദിന്‍റെ പോസ്​റ്റ്​മോർട്ടം ഹരിയാനയിലെ പൽവാലയിലെ ആശുപത്രിയിൽ നടന്നു. പരിക്കേറ്റ രണ്ടു സഹോദരങ്ങളും ഗുരുതരാവസ്​ഥയിലാണ്​.