രേഖകളില്ലാതെ കേരളത്തിലേക്ക് കടത്തിയ നാല് ലോഡ് മണല് പിടികൂടി
Synopsis
തമിഴ്നാട്ടില് നിന്ന് രേഖകളില്ലാതെ കേരളത്തിലേക്ക് കടത്തിയ നാല് ലോഡ് മണല് പിടികൂടി. പച്ചക്കറി വണ്ടികളില് ഓളിപ്പിച്ചു കടത്തുകയായിരുന്നു മണല്.
തമിഴ്നാട്ടിലെ കരൂരില് നിന്നാണ് വന് തോതില് മണല്ക്കടത്ത്. പച്ചക്കറി വണ്ടിയില് ഉള്ളിച്ചാക്കുകള് മുകളില് നിരത്തി കടത്തുകയായിരുന്ന വണ്ടി രഹസ്യ വിവരത്തെത്തുടര്ന്നാണ് പാലക്കാട് സൗത്ത് പൊലീസ് പീടികൂടിയത്. രേഖകളില്ലാതെ കടത്തുകയായിരുന്ന മൂന്ന് ലോഡ് മണല് കഴിഞ്ഞ ദിവസവും പാലക്കാട് പൊലീസ് പിടികൂടിയിരുന്നു.
എറണാംകുളം,തൃശൂര്, കോഴിക്കോട് തുടങ്ങിയിവിടങ്ങളിലേക്കാണ് ഈ മണല് കടത്തുന്നത്. ലോഡിന് 60000 രൂപ വരെ ഈടാക്കുന്നുണ്ടെന്നാണ് പൊലീസിനു ലഭിച്ച വിവരം. ദിനം പ്രതി പത്ത് ലോഡ് മണലെങ്കിലും ഇത്തരത്തില് കടത്തുന്നുണ്ടെന്നും പരിശോധനകള് കൂടുതല് കര്ശനമാക്കുമെന്നും പൊലീസ് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam