മണിപ്പൂരി യുവതിക്ക് ദില്ലി വിമാനതാവളത്തില് വംശീയ അധിക്ഷേപം
Synopsis
ദില്ലി: ദില്ലി ഇന്ദിരാഗാന്ധി അന്താരാഷ്ട്ര വിമാനത്താവളത്തില് മണിപ്പൂരി യുവതിക്കു വംശീയ അധിക്ഷേപം നേരിട്ടതായി പരാതി. തെക്കന് കൊറിയയില് നടക്കുന്ന ഒരു മീറ്റിംഗില് പങ്കെടുക്കാന് പോവുകയായിരുന്ന മോണിക ഖാംഗെംബാനാണ് ശനിയാഴ്ച എമിഗ്രേഷന് വിഭാഗത്തിലെ ഉദ്യോഗസ്ഥനില് നിന്ന് അധിക്ഷേപം നേരിട്ടത്.
എമിഗ്രേഷന് വിഭാഗത്തില് എത്തിയപ്പോള് താന് ഇന്ത്യക്കാരിയാണോ എന്ന് ഉദ്യോഗസ്ഥന് ചോദിച്ചതായും ആണെന്നു പറഞ്ഞപ്പോള് കണ്ടാല് തോന്നില്ലെന്ന് ഉദ്യോഗസ്ഥന് പരിഹസിച്ചതായും യുവതി പറയുന്നു. വിമാനത്താവളത്തില് തനിക്ക് നേരിട്ട അധിക്ഷേപത്തെ കുറിച്ച് യുവതി ഫേസ്ബുക്കില് പോസ്റ്റിട്ടതിനെ തുടര്ന്നാണ് ഇതു വാര്ത്തയായത്.
സംഭവത്തില് പ്രതികരിച്ച കേന്ദ്ര വിദേശകാര്യമന്ത്രി സുഷമ സ്വരാജ് പെണ്കുട്ടിയോട് മാപ്പ് പറയുന്നതായി ട്വിറ്ററില് കുറിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam