കാസര്കോഡ് കോണ്ഗ്രസില് കൂട്ടരാജി
Synopsis
ജില്ലാ പഞ്ചായത്ത് തെരഞ്ഞെടുപ്പില് റിബലായി മത്സരിച്ചതിനെ തുടര്ന്ന് പാര്ട്ടി അച്ചടക്ക നടപടി എടുത്ത ഡി.എം.കെ.മുഹമ്മദിനെ കെ.പി.സി.സി ഏകപക്ഷീയമായി തിരിച്ചെടുത്തതാണ് ജില്ലാ കോണ്ഗ്രസ് നേതൃത്വത്തിന്റെ പ്രതിഷേധത്തിന് കാരണം. കഴിഞ്ഞ നിയമസഭാ തെരെഞ്ഞെടുപ്പില് മഞ്ചേശ്വരത്ത് ഇടതു മുന്നണി സ്ഥാനാര്ത്ഥിക്കു വേണ്ടി പ്രവര്ത്തിച്ച ഡി.എം.കെ മുഹമദിനെ തിരിച്ചെടുത്തത് ജില്ലയിലെ കോണ്ഗ്രസ് നേതൃത്വത്തോട് അലോചിക്കാതെയാണെന്നാണ് പരാതി. കെ.പി.സി.സി തീരുമാനത്തില് പ്രതിഷേധിച്ചാണ് കോണ്ഗ്രസില് കൂട്ടരാജിയുണ്ടായത്.
കാസര്കോഡ് ജില്ലാ പഞ്ചായത്ത് അംഗത്വം കോണ്ഗ്രസ് നേതാവ് ഹര്ഷാദ് ഓര്ക്കാഡിയും രാജിവച്ചു.ഇതോടെ ജില്ലാ പഞ്ചായത്തില് യു.ഡി.എഫിന് ഭൂരിപക്ഷം നഷ്ടപ്പെടും
കെ.പി.സി.സി തീരുമാനം നവ മാധ്യമങ്ങളിലൂടെയാണ് അറിഞ്ഞതെന്ന് ഡി.സി.സി പ്രസിഡണ്ട് ഹക്കീം കുന്നില് പറയുന്നു. വിഷയത്തില് കെ.പി.സി.സി തന്നെ പരിഹാരം ഉണ്ടാക്കട്ടെയെന്ന നിലപാടിലാണ് ഡി.സി.സി പ്രസിഡണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam