സംഘപരിവാര് ബന്ധം; അനില് അക്കര എംഎല്എയ്ക്ക് മറുപടിയുമായി പ്രൊഫ. സി. രവീന്ദ്രനാഥ്
Synopsis
തിരുവനന്തപുരം: വിദ്യാഭ്യാസ മന്ത്രി വളര്ന്നുവന്നത് സംഘ് പരിവാര് പശ്ചാത്തലത്തിലൂടെയാണെന്ന കോണ്ഗ്രസ് എംഎല്എ അനില് അക്കരയുടെ ആരോപണത്തിന് മറുപടിയുമായി പ്രൊഫ. സി. രവീന്ദ്രനാഥ്. അനില് അക്കര ഫേസ്ബുക്കിലൂടെ നടത്തിയ ആരോപണം അടിസ്ഥാന രഹിതവും വസ്തുതാ വിരുദ്ധവുമാണെന്ന് മന്ത്രി വ്യക്തമാക്കി.
ജീവിതത്തിലൊരിക്കലും എബിവിപിയുമായി ബന്ധപ്പെട്ടിട്ടില്ല. യഥാര്ത്ഥ വസ്തുതകള് മറച്ചുവച്ച് വ്യാജ ആരോപണങ്ങള് ഉന്നയിക്കുന്നതില് പ്രതിഷേധിക്കുന്നതായും മന്ത്രി വാര്ത്താകുറിപ്പിലൂടെ വ്യക്തമാക്കി. കാവിവല്ക്കരണത്തിന് തുടര്ച്ചയായി കുടപിടിക്കുന്ന വിദ്യാഭ്യാസ വകുപ്പിനെതിരെ പ്രതിഷേധം ഉയരുന്നതിനിടെയാണ് അനില് അക്കര പ്രൊഫ. സി. രവീന്ദ്രനാഥിന് സംഘപരിവാര് ബന്ധം ആരോപിച്ചത്.
രവീന്ദ്രനാഥ് കുട്ടിക്കാലത്ത് ആര്.എസ്.എസ് നടത്തുന്ന ശാഖയില് അംഗമായിരുന്നുവെന്നും വിദ്യാര്ത്ഥിയായിരിക്കെ സംഘ് പരിവാറിന്റെ വിദ്യാര്ത്ഥി വിഭാഗമായ എ.ബി.വി.പിയുടെ ചെയര്മാന് സ്ഥാനാര്ത്ഥിയായി നോമിനേഷന് നല്കിയിരുന്നുവെന്നും അനില് അക്കര ഫേസ്ബുക്കില് ആരോപിച്ചിരുന്നു. ബി.ജെ.പിയുടെ പൂര്വരൂപമായ ഭാരതീയ ജനസംഘത്തിന്റെ സ്ഥാപകന് ദീന് ദയാല് ഉപാധ്യായയുടെ ജന്മദിനം ആഘോഷിക്കാന് സ്കൂളുകള്ക്ക് നിര്ദേശം നല്കിയത് വിവാദമായതിന് പിന്നാലെയായിരുന്നു എംഎല്എയുടെ ആരോപണം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam