ചികിത്സാ ചെലവിന്‍റെ കാര്യത്തില്‍ യുഡിഎഫ് ഭരണകാലത്തും മുന്നില്‍ ഇടത് എംഎല്‍എമാര്‍

തിരുവനന്തപുരം: ചികില്‍സാ ചെലവുകള്‍ കൈപ്പറ്റുന്ന കാര്യത്തില്‍ യുഡിഎഫ് ഭരണ കാലത്തും മുന്നില്‍ ഇടത് എംഎല്‍എമാര്‍. പത്തു ലക്ഷം രൂപയില്‍ കൂടുതല്‍ ചികില്‍സാ ചെലവ് കൈപ്പറ്റിയ നാലില്‍ മൂന്നു പേരും അഞ്ചു ലക്ഷം രൂപയില്‍ കൂടുതല്‍ കൈപ്പറ്റിയ 13ല്‍ എട്ടു പേരും ഇടത് എംഎല്‍എ മാരാണ്. ഒരു കോടി 91ലക്ഷം രൂപ കൈപ്പറ്റിയ തോമസ് ചാണ്ടിയാണ് ഈ പട്ടികയിലും ഒന്നാമന്‍.

നിയമസഭാ അംഗങ്ങള്‍ക്കും കുടുംബാംഗങ്ങള്‍ക്കും പരിധിയില്ലാത്ത ചികില്‍സ. സര്‍ക്കാര്‍ നല്‍കുന്ന ഈ ആനുകൂല്യമാണ് വലിയൊരു വിഭാഗവും അവസരമാക്കുന്നത്. 2011 മുതല്‍ 2016വരെയുളള യുഡിഎഫ് സര്‍ക്കാരിന്‍റെ കാലത്ത് മന്ത്രിമാരും എംഎല്‍എമാരും ചേര്‍ന്ന് ചികില്‍സാ ഇനത്തില്‍ കൈപ്പറ്റിയത് അഞ്ചുകോടിയോളം രൂപയാണ്. 

ഇതിന്‍റെ നാല്‍പ്പത് ശതമാനത്തിലേറെ തുകയും കൈപ്പറ്റിയത് മുന്‍ മന്ത്രി തോമസ് ചാണ്ടി. സര്‍ക്കാരിന്‍റെ കാലത്ത് വിദേശ ചികില്‍സ തേടിയ തോമസ് ചാണ്ടി 1,91,14366 രൂപയാണ് ഈയിനത്തില്‍ കൈപ്പറ്റിയത്. ചികില്‍സയ്ക്കായി പത്ത് ലക്ഷത്തില്‍ പരം രൂപ കൈപ്പറ്റിയത് മൂന്നു പേര്‍. 

സിപിഐ എംഎല്‍എ സി ദിവാകരന്‍ 13,77,425 രൂപയും ആലത്തൂര്‍ എംഎല്‍എയായിരുന്ന സിപിഎം അംഗം എം ചന്ദ്രന്‍ 10,96,613 രൂപയും വാങ്ങിയപ്പോള്‍ കേരളാ കോണ്‍ഗ്രസ് എംഎല്‍എ സിഎഫ് തോമസ് 11,28,390രൂപ  കൈപ്പറ്റി. 

അഞ്ചു ലക്ഷം രൂപയില്‍ കൂടുതല്‍ കൈപ്പറ്റിയ 13 പേരില്‍ അഞ്ചു പേര്‍ മാത്രമേ യുഡിഎഫില്‍ നിന്നുളളൂ. മാത്രമല്ല, ചികില്‍സാ ഇനത്തില്‍ ഒരു രൂപ പോലും വാങ്ങാതിരുന്ന 11 എംഎല്‍എമാരില്‍ 10 പേരും യുഡിഎഫ് ടിക്കറ്റില്‍ വിജയിച്ചവരുമാണ്. കഴിഞ്ഞ സര്‍ക്കാരിന്‍റെ കാലത്ത് കോഴക്കേസില്‍ പെട്ടെങ്കിലും കെഎം മാണി ഒരു രൂപ പോലും ചികില്‍സാ ഇനത്തില്‍ കൈപ്പറ്റിയില്ലെന്നാണ് വിവരാവകാശ രേഖ. 

പയ്യന്നൂര്‍ എംഎല്‍എ സി കൃഷ്ണന്‍ മാത്രമാണ് ചികില്‍സയ്ക്കായി സര്‍ക്കാര്‍ ഖജനാവിനെ ആശ്രയിക്കാത്ത ഏക സിപിഎം എം.എല്‍എ. വിവരാവകാശ പ്രവര്‍ത്തകനായ പ്രദീപ് കുമാര്‍ നല്‍കിയ അപേക്ഷയില്‍ 121 സാമാജികരുടെ ചികില്‍സാ ചിലവിന്‍റെ കണക്കുകളാണ് നിയമസഭാ സെക്രട്ടറിയറ്റ് നല്‍കിയിട്ടുളളത്.

എം. ചന്ദ്രന്‍ 10,96,613(എല്‍ഡിഎഫ്)

സി.ദിവാകരന്‍..13,77,425(എല്‍ഡിഎഫ്)

സി.എഫ് തോമസ്11,28,390(യുഡിഎഫ്)

എം.ഹംസ(എല്‍ഡിഎഫ്)

ഇ.പി ജയരാജന്‍(എല്‍ഡിഎഫ്)

വര്‍ക്കല കഹാര്‍(യുഡിഎഫ്)

കെ.കുഞ്ഞിരാമന്‍(എല്‍ഡിഎഫ്)

സി.കെ സദാശിവന്‍(എല്‍ഡിഎഫ്)

ബി.സത്യന്‍(എല്‍ഡിഎഫ്)

തേറന്പില്‍ രാമകൃഷ്ണന്‍(യുഡിഎഫ്)

ടി.വി കുരുവിള(യുഡിഎഫ്)

ജമീല പ്രകാശം(എല്‍ഡിഎഫ്)

എ.എം ആരിഫ്(എല്‍ഡിഎഫ്)

എം.പി അബ്ദു സമദ് സമദാനി(യുഡിഎഫ്)

അന്‍വര്‍ സാദത്ത്(യുഡിഎഫ്)

കെ.ടി ജലീല്‍(എല്‍ഡിഎഫ്)

ടിഎ. അഹമ്മദ് കബീര്‍(യുഡിഎഫ്)

സി. മമ്മൂട്ടി(യുഡിഎഫ്)

കെ.എം ഷാജി(യുഡിഎഫ്)

എന്‍. ഷംസുദ്ദീന്‍(യുഡിഎഫ്)

കെബി ഗണേഷ് കുമാര്‍

പിസി ജോര്‍ജ്ജ്(യുഡിഎഫ്)

അബ്ദു റഹ്മാന്‍ രണ്ടത്താണി(യുഡിഎഫ്)

കെ അച്യുതന്‍(യുഡിഎഫ്)

പി.ഉബൈദുളള(യുഡിഎഫ്)

ശബരീനാഥന്‍(യുഡിഎഫ്)

സി. കൃഷ്ണന്‍(എല്‍ഡിഎഫ്)