തിരുവനന്തപുരം: ബിജെപി ആണ് മുഖ്യ ശത്രുവെന്ന് പറയുമ്പോഴും സിപിഎം കോണ്ഗ്രസ്സുമായി കൂട്ടുകൂടാത്തത് സാമ്പത്തിക നയങ്ങള് കാരണമാണെന്ന് പറഞ്ഞാല് ആരും വിശ്വസിക്കില്ലെന്ന് എം.എം.ഹസന്. കോണ്ഗ്രസ്സുമായി ബന്ധമുണ്ടാക്കാന് തയ്യാറാകാത്തത് ബിജെപിയെ സഹായിക്കാനാണ് എന്നും കെപിസിസി പ്രസിഡന്റ് എംഎം ഹസന് പറഞ്ഞു.
ഒന്നാം യുപിഎ സര്ക്കാരിന്റെ കാലത്ത് കോണ്ഗ്രസിനെ പിന്തുണച്ച അതേ പാര്ട്ടിയാണ് ഇപ്പോള് ഇങ്ങനെ പറയുന്നത്. സിപിഎമ്മില് ബിജെപിയുടെ ബി ടീം പ്രവര്ത്തിക്കുന്നു. ചൈനീസ് മാതൃക അനുകരിക്കണമെന്ന് പറയുന്ന സിപിഎം, കോണ്ഗ്രസ് നയങ്ങളെ തളളിപ്പറയുന്നത് തമാശയാണ്.
സ്ഥാപിത താല്പര്യങ്ങളുടെ പേരില് ചരിത്രപരമായ മണ്ടത്തരം ആവര്ത്തിക്കുകയാണ് സിപിഎം എന്നും ഹസന് മാധ്യമങ്ങളോട് പറഞ്ഞു.