ജിഎസ്‌ടി പരിഷ്‌ക്കരണം ദീപാവലി സമ്മാനമെന്ന് പ്രധാനമന്ത്രി

അഹമ്മദാബാദ്: ചരക്ക് സേവന നികുതിനിരക്ക് പരിഷ്കരണം സാധാരണക്കാര്‍ക്കുള്ള ദീപാവലി സമ്മാനമെന്ന് പ്രധാനമന്ത്രി നരേന്ദ്രമോദി. നിയമസഭാ തിരഞ്ഞെടുപ്പ് അടുത്തിരിക്കുന്ന ഗുജറാത്തിൽ അയ്യായിരം കോടിയുടെ ഹൈവേ വികസനപദ്ധതി ഉദ്ഘാടനം ചെയ്യുകയായിരുന്നു മോദി.  രണ്ടുദിവസത്തെ സന്ദർശനത്തിനെത്തിയ മോദി, രാജ്കോട്ടിലെ വിമാനത്താവളം ഉൾപ്പെടെ വിവിധ പദ്ധതികൾക്കും തുടക്കമിടും. പ്രധാനമന്ത്രിയായ ശേഷം ആദ്യമായി ജൻമസ്ഥലമായ വാ‍ഡ്നഗറിലെത്തുന്ന അദ്ദേഹം, റാലിയെ അഭിസംബോധനചെയ്യും. കോൺഗ്രസ് ഉപാധ്യക്ഷൻ രാഹൽഗാന്ധിയുടെ പര്യടനത്തിന് പിന്നാലെയാണ് മോദിയുടെ ഗുജറാത്ത് സന്ദർശനം.