മതമില്ലാത്തവര് കൂടുന്നു: കേരളത്തില് ജാതിയും മതവുമില്ലാതെ ഒന്നേകാല് ലക്ഷം കുട്ടികള്
Synopsis
സംസ്ഥാന സര്ക്കാരിന്റെ കണക്കനുസരിച്ച് കേരളത്തില് ഒന്നേകാല് ലക്ഷം വിദ്യാര്ഥികള് തങ്ങളുടെ മതവും ജാതിയും രേഖപ്പെടുത്താതെയാണ് ഈ അധ്യായന വര്ഷം സ്കൂളില് പ്രവേശനം നേടിയിരിക്കുന്നത്
തിരുവനന്തപുരം: മതങ്ങളുടെ പേരില് അസഹിഷ്ണുതയും വിദ്വേഷവും അതിരുവിടുന്ന കാലത്ത് മതങ്ങളുടേയും ജാതിയുടേയും കെട്ടുപാടുകളില് നിന്നൊഴിഞ്ഞ് പുതുതലമുറ. സംസ്ഥാന സര്ക്കാരിന്റെ കണക്കനുസരിച്ച് കേരളത്തില് ഒന്നേകാല് ലക്ഷം വിദ്യാര്ഥികള് തങ്ങളുടെ മതവും ജാതിയും രേഖപ്പെടുത്താതെയാണ് ഈ അധ്യായന വര്ഷം സ്കൂളില് പ്രവേശനം നേടിയിരിക്കുന്നത്.
നിയമസഭയുടെ ചോദ്യോത്തരവേളയില് ഡി.കെ.മുരളി ഉന്നയിച്ച ചോദ്യത്തിന് മറുപടിയായി വിദ്യാഭ്യാസമന്ത്രിയാണ് മതവും ജാതിയുമില്ലാത്ത കുട്ടികളുടെ കണക്ക് വിശദീകരിച്ചത്. 2017-18 അധ്യയന വര്ഷത്തില് 1,23,630 കുട്ടികള് തങ്ങളുടെ മതവും ജാതിയും തിരഞ്ഞെടുക്കാതെ ഒന്ന് മുതല് പത്ത് വരെയുള്ള ക്ലാസുകളില് പ്രവേശനം നേടിയിട്ടുണ്ട്. ഹയര് സെക്കന്ഡറിയില് രണ്ടാം വര്ഷത്തില് 239 കുട്ടികളും ഒന്നാം വര്ഷത്തില് 278 കുട്ടികള് മത-ജാതിരഹിതരാണ്.
ജനനരേഖകളിലും സ്കൂള് രേഖകളിലും ജാതിയില്ല/ മതമില്ല എന്ന് രേഖപ്പെടുത്താന് സൗകര്യമൊക്കിയതോടെയാണ് തങ്ങളുടെ മക്കള് സ്വതന്ത്രരായി വളരട്ടെ എന്ന നിലപാടിലേക്ക് കൂടുതല് രക്ഷിതാക്കളെത്തിയതെന്നാണ് ഉദ്യോഗസ്ഥരുടെ വിലയിരുത്തല്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam