മുഗാബെയെ വിചാരണ ചെയ്യില്ലെന്ന് സിംബാബ്വെ
Synopsis
37 വര്ഷം സിംബാബ്വെയുടെ പ്രസിഡന്റായിരുന്ന റോബര്ട്ട് മുഗാബെയെ വിചാരണ ചെയ്യില്ലെന്ന് സൈന്യം. മുഗാബെയ്ക്കും ഭാര്യയ്ക്കും തുടര്ന്നും രാജ്യത്ത് താമസിക്കാമെന്നും സൈന്യം വ്യക്തമാക്കി. ഇത് സംബന്ധിച്ച കരാര് മുഗാബെയുമായി ഒപ്പുവച്ചതായും സൈന്യം പറഞ്ഞു. രാജ്യത്ത് തുടരുന്നതോടൊപ്പം തന്റെ വസ്തുവകകളില് ചിലത് കൈവശം വയ്ക്കാനും സൈന്യം മുഗാബെയ്ക്ക് അനുമതി നല്കി.
കഴിഞ്ഞ ചൊവ്വാഴ്ച അട്ടമറിയിലൂടെ സൈന്യം രാജ്യത്തിന്റെ നിയന്ത്രണം ഏറ്റെടുത്തതോടെയാണ് 93-കാരനായ റോബര്ട്ട് മുഗാബെയ്ക്ക് അധികാരം നഷ്ടപ്പെട്ടത്. പ്രായാധിക്യം മൂലം അവശനായ മുഗാബെ അധികാരം ഭാര്യ ഗ്രെയ്സിന് കൈമാറാന് തീരുമാനിച്ചതോടെയാണ് പട്ടാള അട്ടിമറിയിലേക്ക് രാജ്യം നീങ്ങിയത്.
അധികാരം ഏറ്റെടുത്ത സൈന്യം മുഗാബെയെ വീട്ടുതടങ്കിലാക്കിയതിന് പിന്നാലെ സാനു-പി.എഫ് പാര്ട്ടി യോഗം ചേര്ന്ന് അദ്ദേഹത്തിന്റെ ഭാര്യയെ പാര്ട്ടിയുടെ പ്രഥാമിക അംഗത്വത്തില് നിന്ന് പുറത്താക്കുകയും മുഗാബെ പുറത്താക്കിയ മുന്വൈസ് പ്രസിഡന്റ് എമേഴ്സണ് എംനാന്ഗാഗയെ തങ്ങളുടെ പുതിയ പ്രസിഡന്റായി തിരഞ്ഞെടുക്കുകയും ചെയ്തിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam