നെടുങ്കണ്ടം ഇരട്ടക്കൊലപാതകം: മേരിക്കുട്ടിയുടെ ഭർത്താവിന്റെ തിരോധാനത്തിലും അന്വേഷണം വ്യാപിപ്പിക്കാൻ പൊലീസ്

വോട്ടെണ്ണലിന് ശേഷം സജിയെ കസ്റ്റഡിയിൽ വാങ്ങുമെന്ന് പൊലീസ് അറിയിച്ചു. കൂടുതൽ കുറ്റകൃത്യങ്ങളിൽ ഏർപ്പെട്ടിട്ടുണ്ടോയെന്നും അന്വേഷണം നടത്തും.

ഇടുക്കി: നെടുങ്കണ്ടം ഇര‌‌ട്ടക്കൊലപാതകത്തിൽ കൂ‌ടുതൽ വിവരങ്ങൾ പുറത്ത്. മേരിക്കുട്ടിയുടെ ഭർത്താവ് മാത്യുവിന്റെ തിരോധാനത്തിലും അന്വേഷണം വ്യാപിപ്പിക്കാനുള്ള തീരുമാനത്തിലാണ് പൊലീസ്. 2018 മാർച്ചിലാണ് മാത്യുവിനെ കാണാതായത്. മാത്യുവിനെ നെടുങ്കണ്ടത്ത് വച്ച് അവസാനമായി കണ്ടവരെ പോലീസ് അന്വേഷിക്കുന്നുണ്ട്. അതേ സമയം ചോദ്യം ചെയ്യലിൽ പോലീസിനെ വട്ടം കറക്കാനാണ് സജിയുടെ ശ്രമം. വോട്ടെണ്ണലിന് ശേഷം സജിയെ കസ്റ്റഡിയിൽ വാങ്ങുമെന്ന് പൊലീസ് അറിയിച്ചു. കൂടുതൽ കുറ്റകൃത്യങ്ങളിൽ ഏർപ്പെട്ടിട്ടുണ്ടോയെന്നും അന്വേഷണം നടത്തും.