യുവമോർച്ചക്കും മഹിളാമോർച്ചക്കും പുതിയ നേതൃത്വം, വി മനുപ്രസാദ് യുവമോർച്ച അധ്യക്ഷൻ, നവ്യ ഹരിദാസ് മഹിളാമോർച്ച അധ്യക്ഷ

ബിജെപി അധ്യക്ഷൻ രാജീവ് ചന്ദ്രശേഖർ ആണ് പുതിയ ഭാരവാഹികളെ പ്രഖ്യാപിച്ചത്

തിരുവനന്തപുരം: യുവമോർച്ചക്കും മഹിളാമോർച്ചക്കും കേരളത്തില്‍ ഇനി പുതിയ നേതൃത്വം. വി മനുപ്രസാദാണ് യുവമോർച്ച അധ്യക്ഷൻ. നവ്യ ഹരിദാസാണ് മഹിളാ മോർച്ച അധ്യക്ഷ. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറാണ് പുതിയ ഭാരവാഹികളെ പ്രഖ്യാപിച്ചത്. ഒബിസി മോര്‍ച്ചയുടെ അധ്യക്ഷനായി എം പ്രേമന്‍ മാസ്റ്ററേയും എസ് സി മോര്‍ച്ചയുടെ അധ്യക്ഷനായി ഷാജുമോന്‍ വട്ടേക്കാടിനേയും പ്രഖ്യപിച്ചു. മുകുന്ദന്‍ പള്ളിയറായാണ് എസ് ടി മോര്‍ച്ചയുടെ അധ്യക്ഷന്‍. സുമിത് ജോര്‍ജിനെ മൈനോരിറ്റി മോര്‍ച്ചയുടെ അധ്യക്ഷനായും ഷാജി രാഘവനെ കിസ്സാന്‍ മോര്‍ച്ചയുടെ അധ്യക്ഷനായും തീരുമാനിച്ചു.