പാക് നയതന്ത്രജ്ഞനെ കുറ്റവാളികളുടെ പട്ടികയിൽ ഉൾപ്പെടുത്തി എൻഐഎ

പാക് നയതന്ത്രജ്ഞനെ കുറ്റവാളികളുടെ പട്ടികയിൽ ഉൾപ്പെടുത്തി എൻഐഎ കൊളംബൊയിലെ പാക് ഹൈക്കമ്മീഷൻ ഉദ്യോഗസ്ഥനാണ് ആമിർ

ദില്ലി: പാക് നയതന്ത്രജ്ഞനെ കുറ്റവാളികളുടെ പട്ടികയിൽ ഉൾപ്പെടുത്തി എൻ ഐ എ. ആമിർ സുബൈർ സിദ്ദിഖ്‌ എന്നയാളെയാണ് ദേശീയ അന്വേഷണ ഏജൻസി കുറ്റവാളികളുടെ പട്ടികയിൽ ഉൾപ്പെടുത്തിയത്.ഇയാളുടെ രണ്ട് ഫോട്ടോകളും എൻഐഎ റിലീസ് ചെയ്തിട്ടുണ്ട്. ആമീറിനെതിരെ റെഡ് കോര്‍ണര്‍ നോട്ടീസ് പുറപ്പെടുവിക്കാന് ഇന്റര്‍പോളിനോട് ആവശ്യപ്പെടാനും തീരുമാനിച്ചതായി അധികൃതര്‍ അറിയിച്ചു. ഇയാളെ പറ്റി വിവരങ്ങൾ നൽകാനും എൻ ഐ എ ആവശ്യപ്പെട്ടിട്ടുണ്ട്. കൊളംബൊയിലെ പാക് ഹൈക്കമ്മീഷൻ ഉദ്യോഗസ്ഥനാണ് ആമിർ. ഇന്ത്യക്കെതിരെ വിവിധ ആക്രമണങ്ങൾ ഇയാൾ ആസൂത്രണം ചെയ്തതായി എൻ ഐ എ അന്വേഷണത്തിൽ കണ്ടെത്തിയതിനെ തുടര്‍ന്നാണ് നടപടി.