ശബരിമലയില് മാധ്യമപ്രവര്ത്തകര്ക്ക് നിയന്ത്രണമില്ല:ഡിജിപി
Synopsis
തുലാമാസ ചടങ്ങുകള്ക്ക് നടതുറന്ന സമയത്ത് ശബരിമലയിലും പരിസരത്തും മാധ്യമപ്രവര്ത്തകര്ക്ക് നേരെ അത്രിക്രമം ഉണ്ടായിരുന്നു. ഈ സാഹചര്യത്തിലാണ് മാധ്യമപ്രവര്ത്തകര്ക്ക് ആവശ്യമായ സുരക്ഷ ഒരുക്കാന് തീരുമാനമെടുത്തത്.
തിരുവനന്തപുരം: ശബരിമലയില് മാധ്യമപ്രവര്ത്തകര്ക്ക് നിയന്ത്രണമില്ലെന്ന് ഡിജിപി ലോക്നാഥ് ബെഹ്റ. സുരക്ഷാക്രമീകരണം പൂര്ത്തിയാക്കിയാല് മാധ്യമങ്ങള്ക്ക് പ്രവേശനം അനുവദിക്കും. തുലാമാസ ചടങ്ങുകള്ക്ക് നടതുറന്ന സമയത്ത് ശബരിമലയിലും പരിസരത്തും മാധ്യമപ്രവര്ത്തകര്ക്ക് നേരെ അതിക്രമം ഉണ്ടായിരുന്നു. ഈ സാഹചര്യത്തിലാണ് മാധ്യമപ്രവര്ത്തകര്ക്ക് ആവശ്യമായ സുരക്ഷ ഒരുക്കാന് തീരുമാനമെടുത്തത്.
ചിത്തിര ആട്ടവിശേഷത്തിന് നാളെ ശബരിമല നട തുറക്കുന്നതിനാല് ശബരിമലയില് കനത്ത പൊലീസ് സുരക്ഷയാണ് ഏര്പ്പെടുത്തിയിരിക്കുന്നത്. അതേസമയം സന്നിധാനം, പമ്പ, നിലക്കൽ , ഇലവുങ്കൽ എന്നീ നാല് സ്ഥലങ്ങളില് ആറാം തിയ്യതി അർധരാത്രിവരെ കലക്ടർ നിരോധനാജ്ഞ പ്രഖ്യാപിച്ചിരിക്കുകയാണ്.
യുവതി പ്രവേശനത്തിനെതിരെ ശബരിമലയിലും നിലയ്ക്കലിലും ഉണ്ടായ സംഘര്ഷത്തില് 3731 പേര് ഇതുവരെ അറസ്റ്റിലായി. കലാപശ്രമം നിരോധനാജ്ഞ ലംഘിച്ച് സംഘം ചേരല്, പൊതുമുതല് നശിപ്പിക്കല്, പൊലീസിനെ ആക്രമിക്കല്, ഉദ്യോഗസ്ഥരെ കൃത്യനിര്വ്വഹണത്തില് നിന്നും തടയല് എന്നീ വകുപ്പുകള് ചുമത്തിയാണ് മിക്ക കേസുകളും രജിസ്റ്റര് ചെയ്തിരിക്കുന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam