ഒമാൻ ആരോഗ്യ രംഗത്ത് പുതിയതായി ആരംഭിക്കുന്ന സ്ഥാപനങ്ങള്‍ സര്‍ക്കാരിന് കീഴിലേക്ക്

ഒമാൻ ആരോഗ്യ മന്ത്രാലയത്തിനാവും ചുമതല  

മസ്‍കറ്റ്: ആരോഗ്യ മേഖലയിൽ പുതിയതായി ആരംഭിക്കുന്ന  കോളേജുകളും, ഉയർന്ന വിഭാഗത്തിലുള്ള പരിശീലന കേന്ദ്രങ്ങളും ഒമാൻ ആരോഗ്യ മന്ത്രാലയത്തിന് കീഴോലായിരിക്കും ഇനിയും  പ്രവർത്തിക്കുകയെന്ന് ഭരണാധികാരി സുൽത്താൻ ഖാബൂസ്.  

 ഈ രണ്ടു വിഭാഗങ്ങൾക്കും, ഭരണ, ധനകാര്യ  തലങ്ങളിൽ   സ്വയംഭരണാവകാശം  ഉണ്ടാകും. നിലവിൽ മസ്കറ്റ് ആസ്ഥാനമായുള്ള സ്ഥാപനങ്ങൾക്ക് വിദ്യാഭ്യാസ  സമിതിയുടെ അനുമതിയോടു കൂടി മറ്റു  ഗവര്‍ണറേറ്റുകളിലും ശാഖകൾ ആരംഭിക്കുവാൻ സാധിക്കും. ആരോഗ്യശാസ്ത്ര കേന്ദ്രം ,ഒമാൻ ഫർമസി  ഇൻസ്റ്റിറ്റ്യൂട്ട് , ഒമാൻ  പൊതുആരോഗ്യ  പരിശീലന കേന്ദ്രം, നഴ്സിംഗ് ഇൻസ്റ്റിറ്റ്യൂട്ട്  എന്നിവ ഒമാൻ കോളേജ് ഓഫ്  ഹെൽത്ത്‌ സയൻസിന്‍റെ കീഴിലായിരിക്കും  പ്രവർത്തിക്കുക .

നിലവിൽ വിവിധ ഗവര്‍ണറേറ്റുകളിലുള്ള  നേഴ്സിങ്  പരിശീലന കേന്ദ്രങ്ങൾ  സയൻസ് കോളേജിന്‍റെ    ശാഖകളായിട്ടു  പ്രവർത്തിക്കും. ആരോഗ്യ  മന്ത്രാലയത്തിന്‍റെ കീഴിൽ പ്രവർത്തിച്ചുവരുന്ന  വിവിധ സ്ഥാപനങ്ങൾക്ക് ഹെൽത്ത്  സയൻസ്  കോളേജിൽ നിന്നും ലഭിക്കുന്ന നിരീക്ഷണം, വിവിധ വകുപ്പുകളുടെ  സേവന നിലവാരം മെച്ചപെടുത്തുവാൻ കഴിയുമെന്ന്  വിലയിരുത്തപെടുന്നു