വിമാനത്താവളത്തില് യാത്രക്കാരന്റെ ബാഗില് നിന്നും പുലിക്കുട്ടിയെ പിടികൂടി
Synopsis
ചെന്നൈ വിമാനത്താവളത്തില് നിന്നും യാത്രക്കാരന്റെ ബാഗില് നിന്നും പുലിക്കുട്ടിയെ പിടികൂടി. ഒരുമാസം പ്രായമുള്ള പുലിക്കുട്ടിയെ ആണ് അധികൃതര് പിടികൂടിയത്
ചെന്നൈ: ചെന്നൈ വിമാനത്താവളത്തില് നിന്നും യാത്രക്കാരന്റെ ബാഗില് നിന്നും പുലിക്കുട്ടിയെ പിടികൂടി. ഒരുമാസം പ്രായമുള്ള പുലിക്കുട്ടിയെ ആണ് അധികൃതര് പിടികൂടിയത്. ബാഗില് ഒളിപ്പിച്ച് അനധികൃതമായി കടത്താന് ശ്രമിച്ച പുള്ളിപ്പുലിക്കുട്ടിയെ അധികൃതര് പിടിച്ചെടുത്തത്.
ചെന്നൈ എയര് ഇന്റലിജന്സിന്റെ പരിശോധനയിലാണ് പുലിക്കുട്ടിയെ പിടികൂടിയത്. തായ്ലന്ഡ് തലസ്ഥാനമായ ബാങ്കോക്കില്നിന്ന് ചെന്നൈയിലെത്തിയ യാത്രക്കാരനാണ് പുലിക്കുട്ടിയെ കടത്താന് ശ്രമിച്ചത്. അവശ നിലയിലായിരുന്ന പുലിക്കുട്ടിക്ക് വിമാനത്താവള അധികൃതര് പാല് നല്കി.
ഇതിന്റെ ദൃശ്യങ്ങള് സോഷ്യല് മീഡിയയില് വൈറലാകുകയാണ്. പുലിക്കുട്ടിയെ ചെന്നൈ അരിജ്ഞര് അണ്ണാ സുവോളജിക്കല് പാര്ക്കിലേക്ക് മാറ്റിയിട്ടുണ്ട്. പുലിക്കുട്ടിയെ കടത്താന് ശ്രമിച്ച യാത്രക്കാരനെ അറസ്റ്റു ചെയ്ത് ചോദ്യം ചെയ്യലിനായി വനം വകുപ്പിന് കൈമാറി.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam