ജാഥയെ മറികടക്കാന് ശ്രമിച്ചതിന് കാറിനോട് കലിപ്പ് തീര്ത്ത് ജാഥാ ക്യാപ്റ്റന്
Synopsis
കാസര്കോട്: റെഡ് വളണ്ടിയര് മാര്ച്ച് ഓവര് ടേക്ക് ചെയ്യാന് ശ്രമിച്ച കാറിനെ ക്യാപ്റ്റന് കാലുകൊണ്ട് തൊഴിച്ചു. സംഭവം വിവാദ മായപ്പോള് പാര്ട്ടി ജാഥാ ക്യാപ്റ്റനെ പദവിയില് നിന്നും ഒഴിവാക്കി. കാസര്കോട് ഉദുമ സിപിഎം ഏരിയ സമ്മേളനത്തിന്റെ സമാപനത്തിന്റെ ഭാഗമായി നടന്ന റാലിക്കിടെയാണ് പാര്ട്ടിക്ക് തന്നെ നാണക്കേടുണ്ടാക്കിയ സംഭവം അരങ്ങേറിയത്.
ഉദുമയില്നിന്നും ബാന്റ് മേളത്തിന്റെ അകമ്പടിയോടെ മേല്പറമ്പിലേക്ക് നടന്ന പ്രകടനത്തിന്റെ മുന്നില് അണിനിരന്ന റെഡ് വളണ്ടിയര് മാര്ച്ച് കളനാട് എത്തിയപ്പോഴാണ് കാസര്കോട്ടേക്ക് പോവുകയായിരുന്ന കാറിനെ ക്യാപ്റ്റന് ചവിട്ടിയത്. കാര് ജാഥയെ ഓവര്ടേക്ക് ചെയുന്നുവെന്ന് തോന്നിയപ്പോള് ജാഥാ ക്യാപ്റ്റന് കാറിനെ നേരെ തിരിഞ്ഞു ചവിട്ടുകയായിരുന്നു.
ഏരിയാ കമ്മറ്റി അംഗങ്ങള് ഓടിയെത്തി ക്യപ്റ്റനെ സമാധാനിപ്പിച്ച് കാറിനെ കടത്തിവിട്ടെങ്കിലും വണ്ടി കടത്തിവിട്ടതിലുള്ള അരിശം മറ്റ് നേതാക്കളോട് തീര്ത്ത ലോക്കല് കമ്മറ്റി അംഗം കൂടിയായ റെഡ് വളണ്ടിയര് ക്യാപ്റ്റനെ പദവിയില് നിന്നും പാര്ട്ടി നേതൃത്വം ഒഴിവാക്കുകയായിരുന്നു. എന്നാല് ഒരുവിഭാഗം ജാഥാ ക്യാപ്റ്റന് നടത്തിയ ചവിട്ടു നാടകത്തിന് പിന്തുണയുമായി എത്തിയത് പാര്ട്ടി നേതൃത്വത്തിന് തല വേദന സൃഷ്ടിച്ചിരിക്കുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam