എം എം മണിക്കെതിരെ വിമർശനവുമായി പി കെ ശ്രീമതി

മന്ത്രി എം എം മണി ചെയ്തത് തെറ്റായ കാര്യമെന്ന് പി കെ ശ്രീമതി എം പി. തൊഴിലാളി സ്ത്രീകളെക്കുറിച്ച് മോശമായി പറയരുതായിരുന്നുവെന്ന് പി കെ ശ്രീമതി പറഞ്ഞു.

മണിയുടെ പ്രസ്താവനയോട് വിയോജിക്കുന്നുവെന്ന് മന്ത്രി മേഴ്സിക്കുട്ടിയമ്മ പറഞ്ഞു. മണി പ്രസ്താവന പിൻവലിക്കണമെന്ന് ടി എൻ സീമ ആവശ്യപ്പെട്ടു.

വി എസ്സിന്റെ ഭരണകാലത്ത് മൂന്നാര്‍ ഒഴിപ്പിക്കലിനെത്തിയ സുരേഷ്‌കുമാറിനെ വിമര്‍ശിച്ചപ്പോഴാണ് എം എം മണി പൊമ്പിളൈ ഒരുമൈയുടെ സമരത്തെയും അധിക്ഷേപിച്ചത്. സുരേഷ് കുമാര്‍ അവിടെ ഗസ്റ്റ് ഹൗസില്‍ മാധ്യമപ്രവര്‍ത്തകര്‍ക്കൊപ്പം മദ്യപാനമായിരുന്നു പരിപാടി. കെയ്‌സ് കണക്കിനായിരുന്നു ബ്രാന്‍ഡി. സകല പണിയുമുണ്ടായിരുന്നു. കുടിയും സകല വൃത്തിക്കേടും നടന്നിട്ടുണ്ട്.പൊമ്പിളൈ ഒരുമൈയുടെ സമരകാലത്തും ഇതൊക്കെ തന്നെയാണ് നടന്നത്. സമരസമയത്ത് അവിടെ കാട്ടിലായിരുന്നു പരിപാടി. ഒരു ഡിവൈഎസ്പിയുണ്ടായിരുന്നു. എല്ലാരും കൂടിയായിരുന്നു പരിപാടി- മണി പറഞ്ഞു.